web counter
LEXO PA REKLAMA!

SHKARKO APP

App Store
Google Play

Komisionet hetimore/ Berisha: Bëmë dialog për të drejtat e opozitës

13 Mars 2024, 20:20, Politikë CNA
Komisionet hetimore/ Berisha: Bëmë dialog për të drejtat e
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka folur mbrëmjen e sotme për dakordësinë e PD-së me mazhorancën për komisionet hetimore.

Berisha tha për protestuesit se dialogu u krye në mënyrë që të drejtat e opozitës të respektohen.

Ai deklaroi se opozita nuk do ta braktisë Parlamentin, por do të bëjë çdo gjë për të drejtat e saj kushtetuese.

“Këto ditë në parlament është bërë dialog në mënyrë që të drejtat e opozitës të respektohen.

Dua të sqaroj ju dhe çdo shqiptar se nuk është opozita ajo që ka shkelur të drejtat kushtetuese, as të vetat, as të kujt tjetër.

Është Edi Rama, i cili nuk pranon të respektojë të drejtat kushtetuese.

Në këto rrethana ai ka vetëm një qëllim dhe ky qëllim është që opozita të bojkotojë parlamentin.

Sepse, duhet të jemi realistë, në mënyrë makabër ai fitoi më shumë se kushdo tjetër nga bojkoti i parlamentit nga opozita.

Mirëpo unë i them sot Edi Ramës këtu para jush dhe në emër tuaj se opozita nuk braktis parlamentin, por opozita do bëjë çdo gjë për të drejtat e saj kushtetuese në parlament dhe kudo.

Prandaj dhe Edi Rama, ti ke frikë dhe tmerr nga komisionet hetimore.

Nuk ka forcë në botë që të shpëton prej tyre.

Le të vijë kushdo në mbrojtje tënde, ti do përfundosh para atyre komisioneve sepse ke vjedhur këtë komb, këtë vend sa askush tjetër në histori”, theksoi ish-kryeministri./ CNA





Lajmet e fundit nga