web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshjet PS-PD/ Ambasadori gjerman, deklaratë nga Korça: Kënaqësi e madhe!

13 Mars 2024, 13:05, Politikë CNA
Marrëveshjet PS-PD/ Ambasadori gjerman, deklaratë nga Korça:
Ambasadori gjerman, Karl Bergner

Ambasadori gjerman, Karl Bergner, u shpreh në një deklaratë për mediat nga Korça se është kënaqësi e madhe për të që të shikojë të tilla zhvillime si takimet apo negociatat mes PD-së dhe PS-në. Ai tha se kthimi i jetës normale parlamentare në Shqipëri i ndihmon integrimit të vendit në BE.

"Nuk besoj se është nevoja të theksoj që është një kënaqësi vërtet e madhe që ne shikojmë këto zhvillime të kohëve të fundit lidhur me parlamentin shqiptar e gjithsesi do të shikojmë nesër nëse parlamenti do t'i rikthehet realisht aktivitetit të vet, normal duke folur për përmbajtje pa qenë nevoja të bojkotohen seancat. Gjithmonë e kemi theksuar në këto muaj të fundit që prej se në parlament ka nisur zhvillimet deri diku shqetësuese sikurse i keni konstatuar pra kemi theksuar që një parlament funksional është një kusht mjaft i rëndësishëm për një sistem demokratik edhe për procesin e integrimit të Shqipërisë në BE. Për ne është kënaqësi të konstatojmë që këto bisedime që janë zhvilluar midis partive politike në Shqipëri tanimë të shpresojmë që do sjellin zhvillime pozitive sepse ne shpresojmë që ky lloj bashkimi i forcave politike të sjellë një dakordësi në tema të tjera të rëndësishme sikurse është Reforma Zgjedhore, por edhe tema të tjera të rëndësishme për qytetarët shqiptarë", u shpreh ambasadori. 

Ambasadori nënvizoi se shpreson që të ketë një reformë të sistemit zgjedhor. 

"Kjo është një pyetje mjaft teorike sepse ne shpresojmë që të kemi një reformë të sistemit zgjedhor dhe unë nuk mund të jap që tani konkluzionet e mia për një reformë që nuk është përmbyllur ende. Sikurse ju e dini ekziston një komision parlamentar për çështjen e Reformës Zgjedhore, i cili ka afatin e vet deri në datën 21 mars, do paraqesë rezultatet e punës së tij përpara përpara parlamentit, përpara Kuvendit dhe në momentin që do të merret vendimi në lidhje me këto rezultate ateherë mund të shprehemi", u shpreh ai. 





Lajmet e fundit nga