web counter
LEXO PA REKLAMA!

SHKARKO APP

App Store
Google Play

E fundit!

x

Amnisti për Beqajn/ Berisha: Do shkojë në gjykim thjesht për shpërdorim detyre

16 Mars 2024, 21:02, Politikë CNA
Amnisti për Beqajn/ Berisha: Do shkojë në gjykim thjesht për
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka ngritur akuza ndaj SPAK-ut dhe ish-ministrit të Shëndetësisë, Ilir Beqaj.

Berisha tha se ndonëse dokumentet për sterilizimin mbajnë firmën e Beqajt, ky i fundit po amnistohet nga drejtësia.

Sipas tij, Beqaj do të shkojë për gjykim jo me akuzë për korrupsion, por thjesht për shpërdorim detyre.

“Tani miq, ju e keni ndjekur gjyqin. Nuk ka krim më të shëmtuar. Sterilizatorët janë vjedhja e dytë të shekullit. Sepse me këtë procedurë, Ilir Beqaj me urdhër të Edi Ramës rriti me 83 herë çmimin e sterilizimit.

Sepse me këtë procedurë, Ilir Beqaj i dha kompanisë së Edi Ramës dhe vetes, aparaturën e blerë gratis dhe katin e spitalit, energjinë elektrike falas, ujin falas. Dhe më e keqja, më e zeza, çdo muaj përjashtoheshin nga operacionet 1 mijë shqiptarë, sepse spitalet nuk blinin dot kompletet kirurgjikale.

Çdo muaj 1 mijë, në një vit 12 mijë, në 5 vite, 60 mijë. Po sa prej tyre kanë vdekur se nuk arritën të operoheshin.

Miq, Beqja hyn dhe del në SPAK si në selinë e PS. E dini se ç’po ndodh?

Beqen, i cili ka firmosur kontratën e sterilizimit, Beqën i cili ka firmosur hapjen e tenderit për sterilizimit, Beqën i cili ka firmosur pikët për kompaninë e muratorit të Edi Ramës, Beqën i cili ka firmosur dhënien e ujit dhe energjisë falas kompanisë së tyre, Beqën që ka firmosur dhënien e aparaturës falas dhe katit dhe lokaleve kudo në Shqipëri, Beqaj do të shkojë pas insistimit të gjykatës, jo me akuzë për korrupsion, por thjesht për shpërdorim detyre.

A nuk janë kriminelë këta prokurorë që veprojnë në këtë mënyrë kur kjo ka kushtuar qindra e qindra jetë?”, deklaroi ish-kryeministri.

Ai ngriti pretendimet se kjo po ndodh për shkak se kompania e sterilizimit është e kryeministrit Edi Ramës, i cili po ndikon te SPAK-u.

“Po tani pse ndodh kjo? Kjo ndodh sepse në qoftë se kthehemi 5 vite më parë, kushdo që e njeh Ilir Beqën, çdo gjë mund të thotë për të, por i mençur nuk thotë dot se është.

Pse ua thashë këtë? Ua thashë këtë se nuk ishte Beqja që dilte nga një studio në studio tjetër më gërshërën e thyer me një krah. Ishte Edi Rama që paraqitej para jush duke u thënë se ja me çfarë jeni operuar.

Edi Rama e bënte këtë vetëm e vetëm se sipërmarrja, vjedhja e dytë e shekullit ishte e tij. Ishte ai hajduti kryesor i saj. Kurse Skapi i partisë, Duman-Kraja e të tjerë, e dërgoi për shpërdorim detyre. Po pse e bëjnë këtë? Sepse Dumani, pasi bëri një mendim veças në padinë e parë, që nuk u bë asnjë padi ndaj Beqës, u tërhoq, ia mbyllën gojën”, theksoi Berisha./ CNA





16:20 Politikë

Palaçot e opozitës

Opozita është në rrugën e saj pa kthim të betejës jo k...

Lajmet e fundit nga