web counter
LEXO PA REKLAMA!

SHKARKO APP

App Store
Google Play

E fundit!

x

Pas dardhave mbrapa shpine, Rama flet për drunj të shtrembër në PS

17 Mars 2024, 12:00, Politikë CNA
Pas dardhave mbrapa shpine, Rama flet për drunj të shtrembër
Kryeministri Edi Rama

Kryeministri Edi Rama, korrupsionet e zyrtarëve, ministrave, ish-ministrave dhe kryebashkiakëve të arrestuar nga SPAK-u, i justifikoi duke thënë se disa persona i kanë ngrënë “dardha pas shpine”.

Sot Rama përmendi sërish socialistët e kapur nga drejtësia.

Në fjalën e tij në Asamblenë e PS-së, kreu i qeverisë foli për drunj të shtrembër.

“Dhe që e bëri reformën në drejtësi sepse është një parti që thotë atë që bën dhe bën atë që thotë, dhe quhet Partia Socialiste e Shqipërisë. S’ka shanse që kjo parti të kthehet nga flamurmbajtësja e reformës në drejtësi në flamurgrisësen e reformës në drejtësi.

Duke i mbështetur pa kusht institucionet e drejtësisë në luftën kundër korrupsionit majtas e djathtas, lart e poshtë.

Kush predikon të kundërtën ose është që hall sa kërkon të shpjegojë si persekutim politik vënin e tij para drejtësisë, ose është i mllefosur me PS e mua personalisht sepse po fitojmë disa herë përballë, ose nuk e pranon dot se kjo parti po bën histori e do vazhdojë të zgjidhet pa dilema nga shumica e shqiptarëve.

Kjo kohë e re e Shqipërisë nuk ka kohë për të humbur me hallet e tyre dhe vulat e humbura të tyre ndërkohë që kemi detyrën të jemi në lartësinë e kohës, të lëmë drejtësinë të bëjë punë e saj edhe me çdo dru të shtrembër në radhët tonë. Shyqyr që e arritëm këtë ditë”, deklaroi ai./ CNA

 





Lajmet e fundit nga