web counter
LEXO PA REKLAMA!

SHKARKO APP

App Store
Google Play

Shkarkimet masive në RTSH/ Zhupa kërkon seancë dëgjimore me Alfred Pezën

22 Mars 2024, 08:19, Politikë CNA
Shkarkimet masive në RTSH/ Zhupa kërkon seancë dëgjimore me
Ina Zhupa

Në seancën plenare të së enjtes, deputetja e Partisë Demokratike, Ina Zhupa, kërkoi sërish, duke iu drejtuar kryetares së Kuvendit, që në Komisionin për Arsimin dhe Median e Informimit Publik të zhvillohet një seancë dëgjimore me kreun e RTSH-së, Alfred Peza, për shkarkimet pa motivim në këtë institucion. 

Ajo denoncoi Pezën se është vënë në mënyrë të paligjshme në krye të RTSH-së dhe se duhet të japë llogari para shqiptarëve për drejtimin e institucionit, që paguhet nga taksat e shqiptarëve. 

Sipas Zhupës, Peza duhet të vijë në komision dhe të përgjigjet për shkarkimet masive pa motivacion. 

"Kam kërkuar në Komisionin e Medias, në zbatim të të drejtave që na jep rregullorja, një seancë dëgjimore të posaçme me drejtorin e RTSH-së, drejtorin e paligjshëm, Alfred Peza. E kam kërkuar këtë dëgjesë sepse RTSH është kthyer në një model se si të shkatërrosh jetët e profesionistëve që kanë mbi 20 vjet që punojnë në media dhe që japin kontribut në Radio Televizionin Shqiptar. Në RTSH, njeriu pushohet për një like në 'Facebook'. Kemi kaluar në një diktaturë të drejtorit atje. Ky është televizioni që paguhet me taksat e shqiptarëve. Janë mbi 135 punonjës që janë pushuar. Unë kërkoj nga kryetarja e Kuvendit të kërkoni zbatimin e rregullores dhe t'i japin seancën dëgjimore. Të vijë Peza dhe të japë llogari për shkarkimet masive në RTSH, vidhen dhe keqpërdoren taksat e shqiptarëve", u shpreh deputetja Zhupa./CNA 

 

 





Lajmet e fundit nga