web counter
LEXO PA REKLAMA!

SHKARKO APP

App Store
Google Play

E fundit!

x

Çuçi “mbërthen” Bashën dhe Alibeajn/ “Komisioni i Reformës Zgjedhore s’funksionon për fajin tuaj”

21 Mars 2024, 10:34, Politikë CNA
Çuçi “mbërthen” Bashën dhe Alibeajn/
Kreu i grupit të PS-së, Bledi Çuçi

Kreu i grupit të PS-së, Bledi Çuçi, ironizoi Lulzim Bashën dhe Enkelejd Alibeajn në lidhje me deklaratat dhe kërkesat e tyre që PS të pranojë kushtet e tyre për Reformën Zgjedhore.

Çuçi tha se Komisioni i Reformës Zgjedhore është më jetëgjati, ndërsa fajësoi Bashën dhe Alibeajn për mosfunksionimin e tij.

Ai deklaroi se ata vendosin kushte dhe nuk pranojnë të negociojnë.

“Në lidhje me dy thirrjet, e para ishte e drejtpërdrejtë e zotit Basha dhe e dyta ishte si një deklarim i kapitullimit të komisionit bipartizan zgjedhor nga zoti Alibeaj. Unë dua të them që vërtet sot mbaron afati i një komisioni që nuk ka zgjatur më shumë se asnjë komision tjetër bipartizan zgjedhor, për fat të keq po presim produktin përfundimtar të këtij komisioni, por që duket nga deklarimet e zotit Alibeaj që nuk do ketë produkt përfundimtar për vetë mendësinë se si e kanë trajtuar këtë komision bipartizan.

Zoti Alibeaj vetë tha dhe sot që produkti i këtij komisioni do ishte produkti që ne kemi dorëzuar në parlament. Çfarë komisioni bipartizan konsensual mund të ngrihet mbi këtë premisë, kur pakica vjen me një draft, e dorëzon në komision dhe thotë këto janë kushtet tona, po doni merrini po doni lërini, dhe ndoshta këtu është dhe burimi i dështimit të këtij komisioni. Gjithsesi ne po i presim rekomandimet e komisionit, do t’i shqyrtojmë”, nënvizoi kreu u grupit të PS-së./ CNA





Lajmet e fundit nga