web counter
LEXO PA REKLAMA!

SHKARKO APP

App Store
Google Play

E fundit!

x

Pjesë e grupit të palaçove të Bashës/ Ngjela, në krah të “humbësit serial”, sulmon Berishën

20 Mars 2024, 15:52, Politikë CNA

Pjesë e grupit të palaçove të Bashës/ Ngjela, në

Spartak Ngjela i është bashkuar grupit të palaçove të Luli Bashës.

Ai ka dalë në krah të humbësit serial, duke thënë se konferenca e mbajtur sot ishte e suksesshme.

Por nuk ka munguar sulmi ndaj grupit të Berishës, ku në një intervistë e ka quajtur grupi i korrupsionit.

Sipas avokatit opozita duhet të bashkohet, por pa Sali Berishën pasi është dënuar dhe është shpallur "non grata".

“Tryeza e sotme e PD ishte e suksesshme, tani duhet bashkimi i të djathtës. Bashkimi të bëhet me platformë dhe me program. Ligji zgjedhor e zgjidh problemin, unë kërkova maxhoritar të pastër. PD duhet të bëjë atë që rekomandon SHBA. PD e ka në favor bashkimin, sepse Berisha është arrestuar dhe nuk është në funksion.

Nëse Sali Berisha do të dënohet, më pas mund të mos jetë më deputet dhe nuk ka çfarë të bëjë më. Grupi i Berishës është grupi i korrupsionit. Të gjitha çarjet që bëri Berisha kanë qenë të mos kishte goditje, por se sërish u arrestua. 60 për qind e grupit të Berishës janë të korruptuar dhe kërcënojnë SPAK-un. Lulzim Basha e përjashtoi Berishën, sepse ia kërkuan ndërkombëtarët. PD ka dy degë dhe duhet të bashkohen në një Kongres.

Sali Berisha nuk duhet të jetë, sepse është shpallur non grata. Rruga e vetme është krijimi i PD-së normale, që të fitojë zgjedhjet më 2025. Nëse hyjnë me lidershipin e Kongresin në zgjedhje, unë them se fitojmë.

Sot Lulzim Basha mblodhi disa parti të djathta të vogla. Politika është interes në thelb. Këtu janë mbledhur njerëz, që e dinë se me Sali Berishën nuk fitojnë zgjedhjet, sepse lideri është non grata. Nëse Basha e vijon bashkimin, do kemi risi djathtas”, ka deklaruar avokat Ngjela./ CNA 





Lajmet e fundit nga