web counter
LEXO PA REKLAMA!

SHKARKO APP

App Store
Google Play

E fundit!

x

Bamir Topi, në tryezë me Bashën/ Sulmon Berishën

20 Mars 2024, 11:21, Politikë CNA
Bamir Topi, në tryezë me Bashën/ Sulmon Berishën
Ish-presidenti Bamir Topi

Ish-presidenti Bamir Topi është ulur këtë të mërkurë në një tryezë me Lulzim Bashën.

Topi tha se në tryezë po merr pjesë si një zë individual, ndërsa theksoi se nuk është pjesë e asnjë partie politike.

“E pranova me kënaqësi ftesën e zotit Basha për të qenë pjesë e këtij komunikimi, dialogun e partisë politike të spektrit të opozitës edhe si një detyrim jo domosdoshmërisht vjen nga pjesëmarrja në një parti politike.

Sigurisht unë qysh në fillim dua të sqaroj statusin tim në tryezë, unë nuk jam pjesë e partive politike, por vazhdimisht lidhur me këtë çështje, por edhe me çështje të tjera, por specifikisht për këtë çështje kam pasur rastin të njoh aktorët, protagonistët e rrënimit të themelit të shtetit, nga pozicioni i Presidentit të Republikës në vitin 2008.

Të jesh në një tryezë të tillë është së pari një detyrim qytetar intelektual, pasi zgjedhjet vërtet realizohen si një konkurrencë midis partive politike, por ata që janë burimi i demokracisë janë njerëzit. Kështu që çdo zë institucional, zë në funksion të një partie, zë i lirë apo individual është zë i rëndësishëm në këtë situatë që po kalon Shqipëria”, u shpreh ai.

Ish-presidenti sulmoi ish-kryeministrin Sali Berisha teksa e cilësoi të njejtë marrëveshjen e arritur me mazhorancën për komisionet hetimore, me atë të 2008-ës për ndryshimet kushtetuese në Kodin Zgjedhor.

“Nuk mund të lë pa përmendur kontekstin historik politik, ajo që ndodhi pikërisht në prillin e vitit 2008. Prilli i 2008 erdhi shumë shpejt, pas një ngjarjeje tragjike, e kam fjalën për shpërthimin e Gërdecit. Kujtoj mirë një kryeministër në hall, një mazhorancë në hall, për përgjegjësinë dhe uljen e kredibilitetit si në mjedisin politik edhe në atë ndërkombëtar. Papritur vijnë komunikime të nëndheshme të një marrëveshjeje të errët dhe okulte që paralajmëronte një shpërthim tjetër, atë të themeleve të shtetit, që parashikohej në Kushtetutë.

Pas komunikimeve pashë që ishte një mur i lartë i ndërtuar nga njeriu në hall dhe nga tjetri që aspironte të ndërtonte pushtetin e tij të ardhshëm mbi dramën që po konsumohej. Paralajmërimin e parë e bëra më 15 prill 2008 duke thënë ç'do të ndodhte pas atij ndryshimi. Ftoj të gjithë politikanët t’i rikthehen marrëveshjes, e cila është komplekse dhe shumëdimensionale. Dobësoi rolin e presidentit dhe prishi balancat institucionale. Pas 16 vitesh nuk flasim me parashikimin e vitit 2008, por me fakte konkrete. Sot kemi partitë politike të protagonistëve që sot konsiderohen si kazerma. Listat e deputetëve vijnë me firmën e kryetarit, kuvendi uli ndjeshëm cilësinë e tij në përfaqësim dhe rolin e tij. Ka rënë në thundrën e kryeministrit”, theksoi Topi./ CNA





09:04 Politikë

Nasip Naço, në SPAK

Ish-ministri Nasip Naço është paraqitur mëngjesin e kësaj ...

Lajmet e fundit nga