web counter
LEXO PA REKLAMA!

SHKARKO APP

App Store
Google Play

E fundit!

x

Analfabetizmi në RTSH/ Shkresa e Pezës plot gabime drejtshkrimore

16 Mars 2024, 08:38, Aktualitet CNA
Analfabetizmi në RTSH/ Shkresa e Pezës plot gabime drejtshkrimore
Alfred Peza

Analfabetizmi në RTSH është një problem shqetësues. Gjithçka duket qartë në një shkresë të firmosur nga drejtori i Radio Televizionit Shqiptar, Alfred Peza për informacionin e kërkuar nga CNA media për shpenzimet në Festivalin e '62 të Këngës në RTSH. 

Që një fjalinë e parë të shkresës vihen re gabime ortografike, të cilat për një institucion si RTSH-ja janë të pafalshme.

Nëse i hedhim një sy fjalisë së parë, vihet re që 3 fjalë janë shkruar gabim, pa kaluar tek lakimet apo rregullat e tjera drejtshkrimore. 

Këtë shkresë sigurisht që e ka lexuar edhe vetë Peza, por as këtij të fundit nuk i kanë bërë përshtypje këto gabime trashanike që mund të vihen re nga një lexim i shpejtë i shkresës. 

Përveç gabimeve ortografike, kemi të bëjmë me përgjigje gjysmake të dhëna nga Alfred Peza, drejtori që ka hequr nga puna dhjetëra punonjës pa dhënë asnjë motivacion. 

Në përgjigjet e dhëna për shpenzimet e Festivalit të Këngës, nuk ka të dhëna specifike dhe vihet re një mungesë serioziteti në formulimin e tyre. 

Theksojmë këtu që RTSH-ja është një institucion shtetëror dhe Peza apo çdo drejtues tjetër e kanë për detyrim që të japin përgjigje të detajuara për shpenzimet e Festivalit të Këngës, pasi gjithçka është paguar nga taksat e shqiptarëve. 

Nuk mungon një "perlë" tjetër në këtë shkresë të firmosur nga Peza në 12 mars të këtij viti. Ai i është drejtuar administratorit të CNA media me emër jo të saktë, duke shkruar në shkresë Xhovalin Shyti, ndërkohë që emri duhej Xhovan Shyti. 

Nuk mund ta themi me saktësi nëse kemi të bëjmë me diçka tendencioze apo është një pakujdesi nga ana e Pezës. 

Gjithsesi është fyese kur zyrtarisht një personi, apo punonjësi të një biznesi të mos i drejtohesh me emrin e saktë. Kjo në fakt tregon nivelin qesharak në të cilin drejton Peza këtë institucion. 

Si do t'i dukej Alfred Pezës nëse do t'i drejtoheshim me titullin kapter?

A do të ndihej mirë ish-ushtaraku i famshëm, që tani e quan veten gazetar?

Ndoshta emërtimi kapter mund të ofendohej me emrin Alfred Peza nga pas.

Tashmë Alfred Peza njihet nga të gjithë si personi apo zyrtari që ka fshehur shumë abuzime në institucionin që drejton./CNA 

Analfabetizmi në RTSH/ Shkresa e Pezës plot gabime drejtshkrimore
Përgjigjja e dhënë nga Alfred Peza




Lajmet e fundit nga