web counter
LEXO PA REKLAMA!

SHKARKO APP

E fundit!

x

“Rama ka shpartalluar arsimin universitar”/ Berisha: Fondet e kërkimeve shkencore janë inekzistente

15 Mars 2024, 21:47, Aktualitet CNA
“Rama ka shpartalluar arsimin universitar”/ Berisha: Fondet e
Ish-kryeministri Sali Berisha

Ish-kryeministri Sali Berisha ka akuzuar kryeministrin Edi Rama se ka shpartalluar arsimin universitar.

Gjatë fjalës së tij në tubimin para banesës, Berisha theksoi se fondet e kërkimeve shkencore janë inekzistente dhe qesharake.

E gjitha kjo sepse sipas Berishës fondet vidhen.

“Po unë fola vetëm për arsimin parauniversitar.Po si janë universitetet sot? Në një shpartallim të vërtetë. Fondet e kërkimeve shkencore janë inekzistente dhe qesharake.

Një njeri që nuk ka kulturën e një mësuesi vizatimi, si me gërshërë, ndaloi mbrojtjen e doktoraturave, mbrojtjen e tezave, duke harruar se universitetet pa kërkim shkencor, përthahen nga viti në viti dhe përfundojnë në mënyrë të sigurt nën nivelin e gjimnazeve.

Kjo rrokullisje vjen e tëra sepse fondet vidhen, sepse edhe ato që paguajnë, tarifat që paguajnë studentët, vidhen.

Një pedagog merr një të tretën e rrogës të një shoferi të qeverisë. A mund të ecet kështu miqtë e mi?

Ndalem këtu për t’u thënë, refuzoni përçmimin dhe propagandën sepse kërkojnë vetëm e vetëm... çdo sektor do e analizojmë së bashku.

Flet për suksese, Shqipëria nuk ka qenë kurrë më mirë thotë, vetëm një armik i kombit mund të thotë, pasi ka përzënë një të tretën e shqiptarëve në tetë vite, që Shqipëria, të thotë se Shqipëria nuk ka qenë kurrë më e mirë.

Në fakt për Çubrilloviçin, në fakt për Pashiçin, një vend armik siç e konsiderojnë ata Shqipërinë dhe shqiptarët, që braktiset nga një e treta e kombit në 8 vite, vërtet është më e mirë se kurrë për ta”, tha Berisha./ CNA





Lajmet e fundit nga