Skenari i vjedhjes së AliBabës “E” dhe i rojës “L” me shokë

12 Mars 2024, 08:35, Opinione CNA

Skenari i vjedhjes së AliBabës “E” dhe i rojës

Foto ilustruese

Një hajdut ama i tipit AliBaba me emrin E kishte mbërritur që për 11 vjet ta vidhte gjitonin S!

Gjitoni S e dinte se kush e vidhte, por nuk kishte iniciativë ta neutralizonte sepse me çështjen e vjedhjes merrej gjitoni L, i ri në moshë, por që kishte aftësi dhe fytyrë të njëjtë me hajdutin!

Pas 10 vjetëve personi i dëmtuar, gjitoni S duke kuptuar se gjitoni L e kish tradhtuar, madje përfitonte njësoj si hajduti E, u revoltua dhe vendosi të merrej vetë me administrimin e situatës!

Nga verifikimi i dëmtuari S kuptoi se i besuari i tij L jo vetëm që nuk bënte detyrën, por vidhte bashkë me hajdutin!

Si rast i rënduar i një bashkëpunimi midis hajdutit dhe rojës i dëmtuari S e denoncoi rojën L dhe kërkoi ndjesë për besimin e tepruar ndaj tij!

Nga verifikimet e bëra nga i dëmtuari S rezultoi që roja L i paskësh falsifikuar edhe aktin e pronësisë së ambientit dhe se ky i fundit figuronte në emër të rojës L!

Por roja L nuk kish vepruar vetëm! Atë e kishin ndihmuar edhe A, G dhe shumë të tjerë të promovuar si vlera nga i dëmtuari S, por që kishin degraduar si hajdutë për llogari të Ali Babës E!

Në momentin e identifikimit të skenarit të vjedhjes midis Ali Babës E dhe rojës L me shokë Ali Baba E i thirri dhe u tha:

Shokë Ai, d.m.th. i dëmtuari S, e ka marrë vesh jo vetëm vjedhjen, por edhe aleancën tonë! Panikut të rojeve L, A, G etj Alibaba E u thotë:

Shikoni shokë! S edhe po nuk e vodhe dyshon! Prandaj shkoni bashkohuni me të, më shani mua dhe kur ju të kuptoni se do t'ju besojë në “pendesën” tuaj kërkojini që së bashku të negocioni me mua edhe duke më vënë kushte!

Çfarë kushtesh e pyet një nga rojet miqtë e Alibabës E?

Do t'ja u them unë tha Alibaba E, por pasi të shikojmë reagimin e gjitonit S!

Shpresoj që Ai të besojë të harrohet vjedhja dhe ne vazhdojmë si më parë, por tani duke e vjedhur nga brenda!

Të dashur Miq!

Unë informacionin e disponoj deri në këtë pikë! Për çdo të re do t'ju informoj! Sendet e vjedhura kanë qenë të sekuestruara thonë dhe ndodhen nëpër kuti, por për shkak afati nuk mund të hetohen pasi Alibaba E gjoja paska kontroll edhe në shtet! Që unë nuk e besoj!

Natën e mirë! Por dyshoj se kur vjedhësi dhe i vjedhuri ulen që hajdutit t'i kërkohet që të mos vjedhë më, marrëveshja është që vjedhja nuk ka bërë ndonjë dëm të madh, ndaj nuk ka pse të bëjmë sherr për gjëra që nuk ia vlejnë! G