E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Edi Rama, menaxheri i krizave të shekullit XXI

28 Shkurt 2024, 15:07, Opinione Lutfi Dervishi

Edi Rama, menaxheri i krizave të shekullit XXI

Kryeministri Edi Rama

Në një botë në prag të kaosit, dhe Luftës së Madhe ku liderët botërorë e kanë humbur si Xhaferri simiten, i vetmi udhëheqës që po i jep zgjidhje çdo krize globale mbetet Kryeministri i Shqipërisë.

Harroni OKB-në, NATO-n, BE-në apo apo edhe vetë masonet!

Ku bëhet fjalë për luftë, konflikt, krizë apo mosmarreveshje, njeriu që jep zgjidhje është vetëm një: Edi Rama.

Çfarë të përbashkët ka lufta në Ukrainë?

Lufta në Gaza? Kriza e emigrantëve në Itali e BE, kriza mes Serbisë dhe Kosovës?

Emëruesi i përbashkët është angazhimi i përditshëm i Edi Ramës që më të drejtë analistët e çështjeve ndërkombëtare e cilësojnë si menaxheri më i sukseshëm i krizave të shekullit 21.

Ndërsa kryeministri shqiptar vazhdon misionin e tij si paqeruajtës global, intelektualët me të shquar të kohës sonë i bëjnë thirrje Komitetit për çmimin Nobel të mos humbasin shansin historik që humbën në vitin 1990, dhënien e çmimit Nobel Ismail Kadaresë. Është koha që çmimin Nobel per Paqen ta marrë Kryeministri i Shqipërisë. Kush më shumë se ai është investuar për Paqen në botë me angazhim të rregullt në median ndërkombëtare, me fjalime në institucione ndërkombëtare si OSBE, Këshilli i Sigurimit të OKB-së, NATO-s dhe BE-së, me pjesëmarrjen në çdo forum e seminar anekënd globit?

A ka qenë më në vëmendje Oslo apo Tirana këto kohë?

Angazhimi i palodhur i kryeministrit të Shqipërisë të kujton një burrë shtetas të madh turk-Ataturkun. Motoja e Ataturkut ishte: paqe në shtëpi, paqe në botë, Edi Rama ka si qasje diametralisht të kundërt: paqe në botë (në fillim) pastaj paqe në shtëpi (Shqipëri).

Kjo është dhe arsye që politikisht në Shqipëri nuk ka paqe.

Opozita ka mbetur në rrugë duke protestuar, kantieret e hapura gjatë këtyre 10 viteve kanë mbetur rrugëve sepse thjesht dhe shqip kryeministri i Shqipërisë nuk ka kohë për të menduar e jo më të zgjidhë probleme të rëndomta si infrastruktura, funksionimi normal i Parlamentit, apo reforma zgjedhore?

Po të merrej Edi Rama me këto probleme banale me të drejtë gjithkujt do t’i kujtohej proverbi: fshati digjet...

Ndaj nëse shqiptarët duan të dalin të protestojnë le të protestojnë ndaj Melonit, Makronit, Sholcit, Shunakut dhe Bajdenit që e kanë lënë vetëm Edi Ramën për të përballuar i vetëm luftërat dhe konfliktet globale.

Të paktën këta liderët e tjerë të merreshin me problemet tona…