Shpërthimet idiotike të Metës si grevëthyerje për skandalet e Erion Veliajt

21 Prill 2024, 19:11, Editorial Elvi FUNDO

Shpërthimet idiotike të Metës si grevëthyerje për

Ilir Meta

Në fakt është e habitshme, edhe pse fatkeqësisht e vërtetë, që sa herë CNA dhe shumë media të tjera denoncojnë aferat korruptive dhe skandalet kriminale të të korruptuarve të pushtetit, del ndonjë kodosh nga opozita që shfaqet si skandaloz, që bën si i çmendur apo na dëshmon se sa budalla është dhe tërheq pas vetes vëmendjen mediatike e përmes medias edhe vëmendjen e opinionit.

Arrestimi i pothuaj të gjithë drejtorëve të Erion Veliajt si parathënie e veprimtarisë korruptive të vetë kryetarit të bashkisë së Tiranës është jo thjeshtë ngjarja më e madhë e javëve të fundit, por edhe çështja më delikate që ka në proces SPAK-u, edhe për të na dëshmuar integritetin e vet në luftë kundër korrupsionit me kokat e tij dhe jo me vartësit e tyre.

Meta kërcënon Dumanin: Të ketë kujdes…
16 Prill, 14:53
Ilir Meta nuk është budalla
17 Prill, 12:38
Erion Veliaj, në ditë të hallit
6 Prill, 14:34

Mirëpo ja që na del Ilir Meta si kodoshi i radhës, e na thotë se personazhi i vëmendjes tuaj duhet të jem unë me idiotësitë e mia dhe jo Erion Veliaj me korrupsionin e vet.

Herë si majmun që kacavirret për t’u ngjitur nëpër platforma reklamash, herë si palaço cirku që tallet me dëmkat e tij që mbajnë shënim marrëzitë që ju thotë teksa tërheq sustat e stërvitjes si për t’u thënë servilëve të tij që ju nuk jeni asgjë para meje e më pas edhe si i pirë nën dalldinë e avujve të alkoolit, Ilir Meta shërben si ombrellë për të mbrojtur Erion Veliajn. Sepse, afërmendsh, nëse një ish-president apo ish-kryeministër shfaqet si budalla, budallallëku i tij është më argëtues për njerëzit se sa mijëra faqe dokumenta që dëshmojnë korrupsionin e kryetarit të bashkisë të Tiranës.

Erion Veliaj dhe Ilir Meta

Ndaj Lali Eri ndjehet i qetë dhe prandaj Edi Rama është i sigurtë në pushtetin e vet të gërryer nga korrupsioni i të gjithë të tijëve, sepse skenën e ka zënë aktualisht kodoshi karagjoz i opozitës me emrin Ilir Meta me “j” në fund, ashtu siç e kanë regjistruar oficerët e ish-Sigurimit të Shtetit piunin e tyre pesëdhjetëlekësh me emrin Ilir Metaj.