web counter
LEXO PA REKLAMA!

SHKARKO APP

App Store
Google Play

E fundit!

x

Veliaj sulmon Ramën nga mediat e tij të paguara nga inceneratorët

21 Prill 2024, 18:29, Politikë CNA
Veliaj sulmon Ramën nga mediat e tij të paguara nga inceneratorët
Erion Veliaj dhe Edi Rama

Kryebashkiaku i Tiranës, Erion Veliaj po bën gjithçka që të heqë vëmendjen nga afera e dosjes “5D”, nga inceneratorët dhe skandali më i madh se i inceneratorëve, që është ai i dherave.

Sot, pas sulmeve të vazhdueshme personale që ai ka bërë në media ndaj zv.kryeministres Belinda Balluku, mediat e Irfanit, të sponsorizuara nga Erion Veliaj dhe në urdhrin e këtij të fundit kanë sulmuar Sekretarin e Përgjithshëm të Këshilit të Ministrave, Engjëll Agaçi.

Sulmi ndaj Agaçit vjen në mediat e Veliajt menjëherë pas plasjes së skandalit të dosjes “5D”, ndërkohë që edhe vetë Veliaj pritet të paraqitet në SPAK dhe pritet të ketë arrestime në ditët në vijim për dosjen e inceneratorëve, teksa janë thelluar edhe hetimet e dosjes “5D”.

Erion Veliaj gjen të sulmojë në mënyrë të vazhdueshme Engjëll Agaçin, krahun e djathtë të kryeministrit Edi Rama, sekretarin e përgjithshëm. Veliaj po bën gjithçka që të heqë vëmendjen nga aferat e tij, nga skandalet dhe për këtë për herë të dytë përsërit skemën që përdori me “Xibrakën”.

Ditën që u arrestuan drejtorët e tij, Erion Veliaj suportoi në mediat e tij opozitën me një denoncim ndaj kryeministrit dhe vëllait të këtij të fundit.

Veliaj sulmon Ramën nga mediat e tij të paguara nga inceneratorët
Engjëll Agaçi

Pak kohë më pas, në momentet që pritet të ketë veprime të tjera nga SPAK-u dhe pritet të paraqitet Erion Veliaj në Prokurorinë e Posaçme, kryebashkiaku sulmon sekretarin e përgjithshëm të parlamentit, Engjëll Agaçi.

Këtë e bën nga television i tij “News 24”, një media e financuar nga inceneratorët, një media afër Erion Veliaj, pasi Irfan Hysenbelliu njihet si një nga mbështetësit kryesorë të kryebashkiakut të Tiranës.

Veliaj sulmon Ramën nga mediat e tij të paguara nga inceneratorët

Për më tepër, Hysenbelliu deklaron edhe mbështetjen e madhe që i jep Veliajt dhe interesat që ka me të, ndaj dhe sot është zgjedhur një nga mediat më të mëdha në vend afër Erion Veliaj për të goditur sekretarin e përgjithshëm të këshillit të ministrave, Engjëll Agaçi.

Veliaj sulmon Ramën nga mediat e tij të paguara nga inceneratorët
Erion Veliaj dhe Irfan Hysenbelliu

E gjithë kjo vjen pas goditjeve të njëpasnjëshme që Irfan Hysenbelliu ka bërë për disa drejtorë, ndaj ministres Belinda Balluku, apo edhe ministrave të tjerë të cilët nuk shkojnë pas urdhrave që ka Irfani apo nuk mbështesin Erion Veliajn, duke krijuar edhe një “luftë” të brendshme në Partinë Socialiste.

Irfan Hysenbelliu është pozicionuar qartazi në mbështetje të Erion Veliajt dhe 99-çave të tij për të goditur Ramën, ministrat e tij dhe pushtetin, Jo për të bërë opozitë, por për luftën e intrigave brenda PS-së, të cilën e sponsorizon Erion Veliaj.

Në fakt, Veliaj është edhe “truri” i kësaj “lufte”, skenaristi i të gjitha intrigave dhe betejave që ndodhin në media kundër kryeministrit Rama dhe jo vetëm në mediat pro Veliajt, pro edhe në mediat e pushtetit dhe ato që janë afër opozitës, që sponsorizohen nga kryebashkiaku dhe pushteti i tij./ CNA

Veliaj sulmon Ramën nga mediat e tij të paguara nga inceneratorët

Veliaj sulmon Ramën nga mediat e tij të paguara nga inceneratorët

Veliaj sulmon Ramën nga mediat e tij të paguara nga inceneratorët

Veliaj sulmon Ramën nga mediat e tij të paguara nga inceneratorët





Lajmet e fundit nga