web counter
LEXO PA REKLAMA!

SHKARKO APP

App Store
Google Play

E fundit!

x

Veliaj “gjen” fajtorin/ “Drejtorët m’i bënë hajdutë mediat”

11 Prill 2024, 20:49, Politikë CNA
Veliaj “gjen” fajtorin/ “Drejtorët m’i
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ka bërë fajtore mediat për drejtorët e tij hajdutë, të cilët u kapën nga SPAK-u, pasi u denoncuan dhe u kallëzuan nga ish-deputeti Belind Këlliçi.

Veliaj sulmoi mediat, teksa tha gjatë një daljeje televizive se po sheh një mbidozë lajmesh për drejtorët e tij.

Madje, ai tentoi ta shmangë vëmendjen nga skandali i vartësve të tij, duke pretenduar se raportimet janë sulme për gjoba.

“Gjykoj se prokuroria po bën punën e vet, qeveria dhe bashkia me këtë distancë sterile duke mbështetur prokurorinë dhe duke i kërkuar kolegëve që të sqarojnë këtë punë në privatësinë e tyre dhe më duket një mbidozë mediatike që përkon me njerëz që unë i kam pasur në zyrë dhe kërkojnë gjëra të paligjshme. Patjetër për mua është një moment reflektimi, patjetër reflektimi për bashkinë, patjetër ne duhet të sigurohemi që jo 99 % po 100 % e gjërave të jenë të sakta, është moment reflektimi edhe për një vetting në operatorët mediatikë të cilët edhe në pjesën më të madhe, po ta them në vetë të parë, kreu i bashkisë është dëshmitar si vijnë në zyrën e bashkisë dhe kërkojnë gjëra të paligjshme, dhe në momentin e parë kur dikush 3 nga 300 drejtorët po hetohet, nuk janë dënuar, e shfrytëzojnë si një mundësi për të larë një borxh, po unë s’i kam borxh njeriu. I kam borxh vetëm atyre që më kanë votuar, por edhe atyre që nuk më kanë votuar, sepse si minimum duhet ti respektoj që u çuna në mëngjes dhe shkuan. Por për këta që fundjavën e zgjedhjeve janë nëpër resorte dhe që vënë gjoba dhe kërkojnë gjëra të pandershme në bashki dhe të paligjshme, janë gati të bëjnë një histeri dhe një furtunë”, theksoi Veliaj./ CNA





Lajmet e fundit nga