web counter
LEXO PA REKLAMA!

SHKARKO APP

App Store
Google Play

E fundit!

x

Farsa në Kuvend/ Bardhi: “Puç” institucional, askush mos të flasë për Reformën në Drejtësi

11 Prill 2024, 18:28, Politikë CNA
Farsa në Kuvend/ Bardhi: “Puç” institucional, askush mos
Kreu i Grupit Parlamentar të PD-së, Gazment Bardhi

Kreu i Grupit Parlamentar të Partisë Demokratike, Gazment Bardhi foli nga Kuvendi për votimin që pritet të mbahet për mandatin e deputetes socialiste Olta Xhaçka, nëse do t’i përcillet Gjykatës Kushtetuese për shqyrtim.

Bardhi u shpreh sot se Kuvendi duhej të kishte pranuar mocionin e 1/10-s së deputetëve demokratë, dhe që mocionet për Olta Xhackën mos të pengohen nga Kuvendi.

Kjo sipas Bardhit, ndodh pasi këtu ka rënë shteti ligjor dhe kushtetueshmëria.

“Kur opozitës i cënohen të drejtat kushtetuese, ne nuk kemi rrugë tjetër vecse t’i drejtohemi Gjykatës Kushtetuese.

Dhe nëse Gjykata Kushtetuese thotë që deputetët vënë në lëvizje këtë Gjykatë, prandaj ajo vlerëson se Kuvendi duhej të kishte pranuar mocionin e 1/10-s së deputetëve, në mënyrë që mocionet për Olta Xhackën mos të pengohen nga Kuvendi.

Gjykata çmon që vendimi juaj është një cënim i të drejtës kushtetuese të 1/10-s së deputetëve. Për pasojë kërkesa e opozitës është e bazuar.

Ju në fakt nuk po mbroni Olta Xhackën, por firmëtarin e investitorit strategjik, Edi Ramën.

Edi Rama ka gjithashtu përgjegjësinë, që duke patur të qartë ligjin, që sipas këtij vendimi kur ministrja e kabinetit të tij përfitonte direkt, Rama nuk mund të firmoste statusin e investitorit strategjik për bashkëshortin e saj.

Vendimet e Gjykatës Kushtetuese, ne si deputetë edhe mund edhe t’i diskutojmë, por kurrë nuk mund të mos njohim vendimet e saj. Këtu ka rënë shteti ligjor dhe kushtetueshmëria.

Ditën që ju me karton do vini në dyshim, detyrimin për të zbatuar vendimet e Kushtetueses, atëherë askush nuk ka më të drejtë të flasë më për Reformën në Drejtësi.

Kjo është rënie e shtetit, nuk ka më shumë një “puç” institucional.”/ CNA





Lajmet e fundit nga