web counter
LEXO PA REKLAMA!

SHKARKO APP

App Store
Google Play

E fundit!

x

Rama refuzoi interpelancën/ Bardhi kërkon debat parlamentar për rastin "Xibraka"

10 Prill 2024, 19:15, Politikë CNA
Rama refuzoi interpelancën/ Bardhi kërkon debat parlamentar për
Gazment Bardhi

Ndonëse kryeministri Edi Rama refuzoi interpelancën e kërkuar nga Gazment Bardhi, ky i fundit nuk është tërhequr, por ka ndërmarrë një tjetër hap.

Bardhi ka kërkuar mocion me debat parlamentar për prodhimin, shitjen dhe trafikimin e lëndëve narkotike, lidhur me rastin "Xibraka".

“Policia dhe Prokuroria nuk arritën gjithashtu të zbardhnin të plotëidentitetin e të gjithë bashkëpunëtorëve, të lidhur me grupin kriminal, për të cilët Prokuroria do të regjistronte procedimin penal nr. 335/1 i vitit 2016. Por, dy vite më pas ky procedim penal do tëpezullohej pasi Prokuroria do të shpallte pamundësinë për identifikimin e këtyre individëve. Dokumentet zyrtare nga dosja gjyqësore dhe sistemi TIMS ngrejnë dyshime serioze se një prej këtyre bashkëpunëtorëve të paidentifikuar mund të jetë Olsi Rama, vëllai i kryeministrit Edi Rama. Këto dyshime bazohen në faktin se një prej bashkëpunëtorëve tëpaidentifikuar është një shtetas 45 vjec, me flokë të shkurtër, përdorues i automjetit AA 653 DM. Olsi Rama asokohe ishte 45 vjec, me flokë të shkurtra dhe përdorues i automjetit AA 653 DM, i përdorur edhe nga pjesëtarët e grupit të strukturuar kriminal Genci Xhixha, Gentian Gjonaj dhe Ermal Hoxha. Sipas të dhënave tësistemit TIMS nga 18 hyrje-dalje të makinës, 7 prej tyre i përkasin Olsi Ramës. Sipas gjykatës, policia dhe prokuroria kanë kryer hetime të mangëta dhe nuk kanë identifikuar bashkëpunëtorët e grupit. Përdorimin e këtij automjeti dhe njohjen me eksponentët e grupit kriminal do ta pohonte edhe vetë Olsi Rama ditën e publikimit të denoncimit, 28 Mars 2024”, thuhet në kërkesën e grupit parlamentar të PD.

Kjo kërkesë e tij vjen pas akuzave të njëpasnjëeshme ndaj vëllait të kryeministrit, Olsi Ramës. Bardhi pretendon se Olsi Rama është i lidhur me rastin “Xibraka”, ku u gjet një laborator droge.

Vëllai i kreut të qeverisë kallëzoi në SPAK Bardhin për shpifje, ndërsa mohoi akuzat.

Nga ana tjetër, Bardhi kërkoi interpelancë me Ramën për këtë çështje në Kuvend, por kryeministri deklaroi se akuzat e tij janë për shkak të lidhjeve familjjaree dhe nuk kanë të bëjnë me veprimtarinë e Qeverisë apo të Këshillit të Ministrave./ CNA





Lajmet e fundit nga