Kreu i SPAK, Klodjan Braho, deklaroi se institucioni ka nj...
Rama kërkon “gjak të ri” për PS-në/ Hap aplikime për Akademinë Politike
9 Prill 2024, 16:11, PolitikëCNA
Kryeministri Edi Rama
Kryeministri Edi Rama ka bërë një njoftim në rrjetin e tij social Facebook, në lidhje me hapjen e aplikimeve për Akademinë Politike të Partisë Socialiste.
Pas skandaleve të njëpasnjëshme të zyrtarëve të lartë në Bashkinë e Tiranës, kreu i PS-së ka menduar të “hapë portat” e Partisë për element të rinj dhe të panjollosur nga korrupsioni.
Rama e quan këtë Akademi, një hapësirë të re të kulturës politike për të rinjtë, me anën e të cilëve Rama do të bëjë ndryshime që nuk i bën dot vetëm.
Sigla e Akademisë Politike të PS-së
Postimi i Edi Ramës:
"U hapën aplikimet për Akademinë Politike të PS
Një eksperiencë e re për të rinjtë e të rejat që duan të angazhojnë disa orë në javë nga koha e lirë, për të mësuar më shumë mbi historinë, idetë, zhvillimet e lëvizjeve e partive progresiste dhe sigurisht Partinë Socialiste të Shqipërisë, përmes komunikimit me protagonistë të saj, figura të spikatura të së majtës europiane me histori në qeverisjen e vendeve të BE-së, aktivistë në partitë e Internacionales Socialiste apo Partinë e Socialistëve Europianë, pedagogë të teorisë politike në universitete shqiptare e të huaja, si edhe opinionistë e gazetarë të njohur në mediat ndërkombëtare
Bashkëlidhur linku i sapoçelur i Akademisë Politike në Instagram dhe linku i aplikimit për hyrjen në këtë hapësirë të re të kulturës politike, për të reja e të rinj të interesuar për të pasuruar dijet mbi politikën dhe zhvilluar aftësitë për të bërë së bashku, përmes politikës, ndryshime që nuk bëhen dot vetëm."/ CNA
