web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Nuk mbyllet kjo aferë vetëm me drejtorët e Veliajt

9 Prill 2024, 10:48, Politikë CNA

Këlliçi: Nuk mbyllet kjo aferë vetëm me drejtorët e

Anëtari i kryesisë së Partisë Demokratike, Belind Këlliçi, ka folur për abuzimet që janë bërë nga drejtorët e Veliajt dhe akuzat ndaj kryebashkiakut Erion Veliaj.

Këlliçi, gjatë një interviste në "Kafe Shqeto", ka deklaruar se kjo aferë nuk mund të mbyllet te drejtorët.

Pjesë nga intervista:

Flavio Qarri: A jeni i kënaqur sot me punën e prokurorisë në lidhje me akuzat që ju keni dorëzuar dhe kallëzimet që keni bërë?

Belind Këlliçi: Pothuajse aspak. Në raport me të gjitha faktet që janë depozituar, me të gjitha provat e pakontestueshme, me të gjitha dokumentet që kam çuar, me këmbënguljen që kam pasur, me faktin që janë bërë me dhjetëra herë denoncime publike nga selia e Partisë Demokratike dhe me faktin që kemi 8 muaj që depozitojmë dokumente. Kam çuar 1200 faqe deri tani për inceneratorin e Tiranës, dokumente të reja. Pjesa dërrmuese nuk kanë qenë pjesë e komisionit hetimor të inceneratorëve. Edhe me vetë kam letra të reja në raport me inceneratorët, ku është edhe vetë firma e Veliajt.

Dhe ndërkohë për “5D” do të duhet të kishin vepruar shumë më herët. Për drejtorët e përfshirë te “5D” kemi dërguar më herët denoncime në SPAK, për Mariglen Qaton para se banorët e “Myslym Ketës” që sot janë në rrugë, u janë prishur shtëpitë.

Kur unë i kam denoncuar në dhjetor të vitit 2022, kam denoncuar rastin në fjalë dhe kam thënë që Mariglen Qato, një nga drejtorët që sot është i arrestuar, po i prish këto shtëpi, këto pallate, për të ndërtuar vetë me kompaninë e tij “5D”, e kemi çuar në SPAK, por SPAK-u nuk ka reaguar. E vetmja gjë që ka bërë, në fakt e ka përpiluar Adriana Kalaja kallëzimin në atë kohë dhe e kemi punuar bashkë si material. E deleguam për kompetencë në Prokurorinë e Tiranës dhe asgjë nuk ndodhi.

Me të vërtetë janë bërë disa ndalime, disa arrestime, në nivelin e drejtorëve që kemi parë deri tani. Ky është një lajm i mirë politikisht në njëfarë mënyre për atë çfarë ka ndodhur me 14 maj. Sepse është goditur shtabi politik i Veliajt dhe do të vijojë të goditet.

Ua them me bindje të plotë që drejtorë të tjerë do t'i pasojnë këta që janë në qeli. Por problemi është se nuk mund të mbyllet kjo aferë prapë te drejtorët. Është dikush që duhet të dalë nëpër media dhe që e heq veten për kryetar bashkie, ngeli vetëm pa drejtorë fare dhe thotë që unë nuk e di që me vodhën drejtorët 30 milionë euro. Nuk e di që me vjedhin 132 milionë euro tek inceneratori i Tiranës dhe ky vijon të jetë kryetar bashkie, në mënyrën më të paturpshme që mund të këtë parë ndonjëherë ndonjë drejtues lokal në një vend normal. D.m.th., ajo çka po ndodh në Bashkinë e Tiranës...





Lajmet e fundit nga