web counter
LEXO PA REKLAMA!

SHKARKO APP

App Store
Google Play

E fundit!

x

Leje ndërtimi pa kriter në Tiranë/ Veliaj, i shqetësuar: Shtëpitë në katund duan një mal me letra

8 Prill 2024, 18:07, Politikë CNA
Leje ndërtimi pa kriter në Tiranë/ Veliaj, i shqetësuar:
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ka lëshuar pa kriter leje ndërtimi në Tiranë për pallate dhe për kulla.

Madje, shpesherë nga politikanë apo analistë është deklaruar se ndërtimi në kryeqytet po përdoret për të pastruar paratë.

Dhe pasi mbyti Tiranën me kulla e beton, Veliaj na është shqetësuar dhe ankuar për procedurën e lejeve të ndërtimit nëpër fshatra.

Ai deklaroi se për shtëpitë në fshat kërkohen një mal me letra, ndaj kërkoi lehtësimin e procedurave.

Veliaj tha se ky është një shqetësim i të gjitha njësive vendore, pavarësisht bindjeve politike.

“Është shumë e rëndësishme që e bëjmë këtë Këshill Konsultativ, si mundësi bashkëpunimi mes autoriteteve lokale me qeverinë tonë. Besoj që flas edhe në emër të kolegëve të opozites sepse nuk ka rëndësi nëse banesa është në Kavajë, në Tiranë, në Kukës apo në Fushë Arrëz, është një shtëpi në katund dhe kërkon të njëjtin mal me letra, të njëjtin arkitekt, të njëjtën licencë, të njëjtin çelës për të hyrë në sistemin elektronik, si një hotel në Qerret apo në Tiranë, apo si hotel në Vlorë dhe Sarandë. Është një problem shumë i madh, kërkon një volum të jashtëzakonshëm pune. Procedura për leje është njësoj, si për një shtëpi në fshat, si për një infrastrukturë të madhe në qytet, një hotel ikonik, kështu që besoj se jemi në momentin ideal për ta adresuar çështjen”, theksoio kryebashkiaku i Tiranës.

Këtë deklaratë ai e bëri në mbledhjen e fundit të Këshillit Konsultativ mes Qeverisjes Qendrore dhe Vetëqeverisjes Vendore./ CNA





Lajmet e fundit nga