web counter
LEXO PA REKLAMA!

SHKARKO APP

App Store
Google Play

Basha: Në PD nuk më solli Argita Berisha Malltezi

7 Prill 2024, 22:11, Politikë CNA
Basha: Në PD nuk më solli Argita Berisha Malltezi
Lulzim Basha, kreu i PD-së së vulës

Lulzim Basha, kreu i PD-së së vulës, deklaroi këtë të dielë se nuk është e vërtetë që në PD e ka sjellë Argita Berisha Malltezi, vajza e ish-kryeministrit Sali Berisha.

Ai ngriti pretendimet se aludime të tilla janë stigma të investuara nga kundërshtari politik.

Basha tha se Berishën e ka njohur që nga viti 1991, ndërsa Argitën e ka takuar për herë të parë në Kosovë, në verën e vitit 2000.

“Futja ime në PD nga Argita Malltezi, siç thonë, është një nga ato stigma të investuara fillimisht nga kundërshtari politik. Jo, nuk është e vërtetë. Gjithçka që kam thënë besoj demonstron të kundërtën. Në fakt, Argitën për herë të parë e kam takuar në Kosovë në verën e vitit 2000. Ndërkohë që Sali Berishën e njoh që nga 91-shi. Jo thjesht e njoh, por kemi pasur me dhjetëra raste, takime, kontakte, e njoh personalisht, pra nuk është e vërtetë. Por meqë e the, unë e di kur ka dalë dhe pse ka dalë. Kjo ka dalë në momentin kur unë jam futur në politikën aktive në Shqipëri dhe këta thonin nga erdhi ky, çfarë është ky.

Sepse atëherë si tani, kur futej një aktor i ri duhej të gjenin patjetër t’i vinin bishta, ta godisnin e kështu dhe pjesë e kësaj ishte dhe kjo, “e ka sjell vajza e Berishës”. Pra ka qenë diçka e lindur me një motiv politik. Dhe siç e kam unë që nuk merrem me këto gjëra, mund të jetë ndërtuar dhe të jetë përforcuar ideja që erdhi për këtë arsye. Mori një dimension tjetër në 2011-ën ku fushata e vetme që bëri Edi Rama pa sukses në përballjen për Bashkinë e Tiranës ishte që të më evidentonte mua dhe fizikisht me Sali Berishën. Pra, është pjesë e luftës politike”, u shpreh Basha./ CNA





Lajmet e fundit nga