web counter
LEXO PA REKLAMA!

SHKARKO APP

App Store
Google Play

“Rilindja, një organizatë kriminale”/ Paralajmërimi i Këlliçit

6 Prill 2024, 21:52, Politikë CNA
“Rilindja, një organizatë kriminale”/ Paralajmërimi i
Belind Këlliçi

Drejtuesi politik i PD-së për Tiranën, Belind Këlliçi gjatë takimit të sotëm me demokratët në Berat ka paralajmëruar se, pronari faktik i inceneratorëve dhe organizatës 5D, Erion Veliaj do të përgjigjet para shqiptarëve për çdo vjedhje, abuzim dhe masakër që i ka shkaktuar kryeqytetit.

Këlliçi tha se të tjera fakte e prova të pakontestueshme që do bëhen publike shumë shpejt.

“Partia Demokratike u fut në zgjedhjet e 14 Majit pa logon e saj, pa mbështetje mediatike, pa financa, pa numërues, pa komisioner, pa vëzhgues, pa emrin e Kryetarit në fletën e votimit, por në krah kishte qytetarët e ndershëm të këtij vendi, që na dhanë plot gjysëm milioni votash, të cilat janë një përgjegjësi e jashtëzakonshme për të vijuar betejën deri në fitore.

Pacienti politik terminal dhe pronari faktik i inceneratorit të Tiranës & organizatës 5D, Erion Veliaj, së shpejti do të përgjigjet përpara qytetarëve shqiptarë për çdo vjedhje, abuzim dhe masakër urbane që i ka shkaktuar kryeqytetit. Me kërcënimin e hapur sot ndaj Edi Ramës, ai thjeshtë dëshmoi se ‘Rilindja’ është tashmë një organizatë kriminale, ku kodet mafioze funksionojnë më së miri.

S’ka faj. Të tjera fakte e prova të pakontestueshme do bëhen publike shumë shpejt, ndaj dhe kërcënimi i sotëm ndaj Ramës është tërësisht i përligjur. Bashkë kanë vjedhur e bashkë do ikin.

Bashkë do i’a dalim. O sot, o kurrë”, tha Këlliçi./ CNA





Lajmet e fundit nga