Drejtorët e Veliajt janë fytyra dhe gjymtyrët e tij

6 Prill 2024, 14:47, Politikë CNA

Drejtorët e Veliajt janë fytyra dhe gjymtyrët e tij

Erion Veliaj

Aktivisja Elona Caslli shprehet në rrjetet sociale se kreu i Bashkisë së Tiranës, Erion Veliaj, nuk ka më çfarë të thotë për arrestimet e drejtorëve në Bashkinë Tiranë dhe bën sikur nuk ka ditur se çfarë aferash janë bërë.

"Është po aq absurd fakti që Veliaj nuk ka asnjë alibi per milionat e eurove të vjedhura nga drejtorët e tij. E vetmja alibi e analfabetit Veliaj është alibia që Veliaj nuk ka ditur se ç'kanë bërë drejtorët e tij", shprehet ajo.

Sipas Casllit, kushdo që ka një përvojë minimale institucionale, e di fort mirë që një shkresë nuk mund të dalë nga institucioni pa firmën e titullarit, pasi duhet vula e institucionit. Sipas saj, drejtorët e Veliajt janë fytyra dhe gjymtyrët e tij.

"Kushdo që ka një përvojë minimale institucionale, e di fort mirë që një shkresë nuk mund të dalë nga institucioni pa firmën e titullarit, pasi duhet vula e institucionit dhe kjo vulë vendoset poshtë firmës së titullarit, në rastin kur një institucion komunikon me një institucion tjetër. Në rastin konkret miliona euro kanë dalë nga Bashkia e Tiranës dhe titullari i institucionit thotë: Ku di unë se çfarë bëjnë drejtorët e mi. Është po aq absurd fakti që Veliaj nuk ka asnjë alibi per milionat e eurove të vjedhura nga drejtorët e tij. E vetmja alibi e analfabetit Veliaj është alibia që Veliaj nuk ka ditur se ç'kanë bërë drejtorët e tij".

Reagimi i plotë:

Ku di unë se çfarë bëjnë drejtorët e mi. Nëse Dostojevski do të shprehej se shtëpia ka pamjen e të zotit të shtëpisë, për rastin e kryebashkiakut të Tiranës vlen shprehja se institucioni ka pamjen e titullarit që e drejton.
Nuk jam aspak e habitur nga niveli i shqipes së shkruar që dëshmuan drejtorët e bashkisë. I ngjashmi e do të ngjashmin. Analfabeti e do analfabetin. Hajduti përzgjedh hajdutin. Mediokri emëron mediokrin.

Në statuset e Veliajt, në profilet e tij në rrjete sociale, janë vënë re shpesh gabime të trasha drejtshkrimore dhe një fjalor skajshmërisht i varfër në shprehjen e mendimit. Dikush, që nuk qeveris dot siç duhet mendimin e shkruar në profilin e tij në një rrjet social, do të drejtojë siç duhet një institucion?! Është absurde ta pretendosh një gjë të tillë.

Është po aq absurd fakti që Veliaj nuk ka asnjë alibi per milionat e eurove të vjedhura nga drejtorët e tij. E vetmja alibi e analfabetit Veliaj është alibia që Veliaj nuk ka ditur se ç'kanë bërë drejtorët e tij.
Me këtë alibi Veliaj fyen çdo shqiptar që nuk mendon veç sa për jetuar, por mendon për të menduar.
Kushdo, që ka një përvojë minimale institucionale, e di fort mirë që një shkresë nuk mund të dalë nga institucioni pa firmën e titullarit, pasi duhet vula e institucionit dhe kjo vulë vendoset poshtë firmës së titullarit, në rastin kur një institucion komunikon me një institucion tjetër.
Në rastin konkret miliona euro kanë dalë nga Bashkia e Tiranës dhe titullari i institucionit thotë; "Ku di unë se çfarë bëjnë drejtorët e mi."
Drejtorët e Veliajt janë fytyra e Veliajt.
Drejtorët e Veliajt janë gjymtyrët e tij.
Drejtorët e Veliajt janë fytyra e administratës rilindase e cila në filozofinë e saj ndjek disa fjalë kyçe; vjedhje, mashtrim, padituri dhe mediokritet.
Post Scriptum- A do të japë llogari Veliaj për milionat e eurove, apo do të vazhdojë krejt i qetë eskursionet televizive?!/CNA