web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri Rama lëshon Veliajn, ia dorëzon SPAK-ut

6 Prill 2024, 17:33, Politikë CNA
Kryeministri Rama lëshon Veliajn, ia dorëzon SPAK-ut
Edi Rama dhe Erion Veliaj

Në një publikim në rrjete sociale, kryeministri Edi Rama ka reaguar pas 10 ditësh për arrestimin e drejtorëve të kryebashkiakut të Tiranës Erion Veliaj.

Rama është përpjekur të tregohet solidar me kryebashkiakun e Tiranës por, askush nuk mund të presë që kryetari i partisë dhe kryeministri i vendit të “pushkatojë” pa gjyq kryebashkiakun e kryeqytetit, të cilin e ka një risk të madh, një kosto për zgjedhjet e ardhshme parlamentare.

Edi Rama luan politikisht se, e di shumë mirë ku luan dhe Erion Veliaj. Ndaj dhe sjellja e tij është një lëvizje spektakolare politike.

Rama të gjithë vëmendjen e çon në një sulm ndaj mediave dhe kryesisht mediave të tij sepse ai thotë se, janë gjobaxhinj dhe killera mediatikë sepse gjobaxhinjtë dhe killerat me shkelje penale dhe në abuzime me ligjin, nuk mund të jenë në opozitë.

Ato janë në pushtet, kanë mbrojtjen e pushtetit, paguhen nga ministra, mbrohen nga ministra, gjobiten nga ministra, nga drejtorë, ashtu sikundër ka dalë dhe në përgjimet e SPAK-ut se drejtorët e Veliajt paguajnë gazetarë të caktuar për gjoba, për shantazhe, për kërcënime. Gjithsesi kjo është pjesë e hetimeve.

Në fakt, mediat nuk kanë bërë gjë tjetër, thjesht dhe vetëm kanë nxjerrë të gjithë dokumentacionin që nxorri gjykata pas vendimit të saj.

Ashtu siç e ka nxjerrë për Sali Berishën, ashtu siç e ka nxjerrë për Ilir Metën, ashtu siç e ka nxjerrë për zëvendës-kryeministrin Arben Ahmetaj, ashtu siç e ka nxjerrë për ministrat në hetim të Edi Ramës, Ilir Beqaj, Olta Xhaçka e të tjerë dhe, tani nxorri një vendim me dokumente, me fakte, me prova konkrete, me përgjime dhe mesazhe të drejtorëve hajdutë të Erion Veliajt dhe shefi i tyre kuptohet është kryetari i Bashkisë.

Rastësisht ata nuk kanë mbajtur një detyrë dhe kanë qarkulluar në pozicione të caktuara.

Por Edi Rama e ka shitur Erion Veliajn në mesazhin e tij.Në frazën e fundit ai është i qartë. I kërkon SPAK-ut t’i shkojë deri në fund. Në rast se SPAK-u do t’i shkojë deri në fund siç e kërkon kryeministri ynë i nderuar, fundi ka një emër, Erion Veliaj.

Ai ka qenë kryetari i Bashkisë, sepse drejtorët kanë ikur. Kush është më drejtor? Vetëm kryetari Bashkisë. Tek dosja 5D patjetër. Po tek inceneratori i Tiranës, kush është më shumë përgjegjës se Erion Veliaj?

Për njësitë e zbatimit të projekteve, për kontrollin e investimit e të tjerë. Kush e firmosi kontratën shtesë dhe u kërkoi drejtorëve të tij ta bënin gati dhe të hidhnin firmën dhe sot dergjen burgjeve?

Ashtu si deklaron në videopërgjimin ajo vajza ku thotë: “na shpëtoni nga burgu”. Ndaj dhe kryeministri saktësisht na jep një mesazh.

Erion Veliaj duhet të jetë i akuzuar kryesor, pasi që drejtësia t’i shkojë në fund, fundi për dosjen 5D dhe inceneratorët e ka emrin Erion Veliaj dhe këtë Edi Rama e di shumë mirë dhe kjo është përgjigjia e tij pas kërcënimeve që i bëri kryebashkiaku i Tiranës./ CNA

 





Lajmet e fundit nga