web counter
LEXO PA REKLAMA!

SHKARKO APP

App Store
Google Play

E fundit!

x

Berisha merr sërish në mbrojtje Veliajn

7 Prill 2024, 21:33, Politikë CNA
Berisha merr sërish në mbrojtje Veliajn
Ish-kryeministri Sali Berisha

Ish-kryeministri Sali Berisha ka marrë sërish në mbrojtje kryetarin e bashkisë së Tiranës, Erion Veliaj, pas arrestimeve të drejtorëve të tij.

Berisha, në protestën e përnatshme të qytetarëve tha se përgjegjës i gjithçkaje është kryeministri Edi Rama.

Duke komentuar deklaratat e djeshme të Ramës dhe Veliajt, ai u shpreh se ata komunikuan me kod mafioz, që sipas tij tregon se kreu i qeverisë është personi që drejton organizatën kriminale.

?Lidhjet e krimit janë lidhjet më të tmerrshme të njeriut dhe ju e patë dje se si brenda gjysëm ore, njeriu që u kap në flagrancë me modelin e vjedhjeve 100% të parave publike, e palosi, e shakulloi, atë që quhet kryetar i organizatës kriminale të qeverisë shqiptare, Edi Ramën.

Edi Rama reagoi dhe ju përgjigj kërcënimeve të njeriut përgjegjës për zhdukjen e 100% të fondeve të inceneratorit të Tiranës.

130 mln euro dhe që nuk ka as nam as nishan të atij inceneratori, u detyrua të përulet, vetëposhtërohet, të ngrejë çarçafin e bardhë, të kapitullojë dhe ti thotë se unë aprovoj çdo fjalë dhe presje të asaj që the.

Të dashur miq!

Ajo që Erion Veliaj i tha në mënyrë ultimative, ti je kryeministri që ke patur bashkëpunëtor Arben Ahmetajn, i cili u tha shqiptarëve se tek inceneratori i Tiranës kanë ndodhur llaftarira, gjëra të llahtarshme.

Ishte pikërisht ky kod, kodi i llahtarisesh që bëri që të kapërdijë çdo fjalë, të lëpijë çdo presje të Erion Veliajt.

Sepse miqtë e mi, 130 mln euro të zhdukura janë euro të dorëzuara nga Rama te Veliaj dhe Erioni e di se në cilën bankë kanë përfunduar, Erioni e di se në cilat llogari janë vendosur.

E vërteta është se po të flasim për llaftarira të Edi Ramës, Erioni di dy herë më shumë se Arben Ahmetaj.

Erioni e di se këto kulla që shifni në Tiranë,  monumente të korrupsionit dhe drogës, në secilën prej tyre Edi Rama ka më së paku 30%.

Erioni e di se njeriu që jep leje dhe firmos si për ndërtesën 2 katëshe edhe atë 65 katëshe, kudo ka 30 përqindëshin e tij të cilat marrë së bashku janë shumëfishi i djegësit të Tiranës.

Erioni e di se si Edi Rama ka ndërtuar kullën tek stadiumi kullën Kristaq Rama, hotelin.

E din se në territorin e bashkisë, Edi Rama ka përvetësuar për vëllanë e tij 37 mijë metër katrorë tokë, publike dhe të pronarëve.

Di pra ato që di Erioni e bën Edvinin të paloset brenda gjysëm ore, të kapërdijë çdo fjalë të Erionit, të lëpijë çdo presje të tij.

Çfarë presim më miqtë e mi? Zemërim, zemërim, zemërim.

Revoltë, revoltë, dhe vetëm revoltë?, theksoi Berisha./ CNA





Lajmet e fundit nga