web counter
LEXO PA REKLAMA!

SHKARKO APP

App Store
Google Play

E fundit!

x

Bardhi paralajmëron Ramën/ "Xhaçka do të të marrë me vete në burg"

8 Prill 2024, 15:47, Politikë CNA
Bardhi paralajmëron Ramën/ "Xhaçka do të të
Nënkryetari i PD-së, Gazment Bardhi

Nënkryetari i PD-së, Gazment Bardhi, hodhi akuza ndaj mazhorancës gjatë një prononcimi me gazetarët për mandatin e ish-ministres Olta Xhaçka.

Bardhi tha se Xhaçka është mbrojtur nga mazhoranca dhe nga kryeministri Edi Rama, pasi pretendoi se ish-ministrja e tërheq me vete në burg kreun e qeverisë.

Ai bëri një apel edhe për ndërkombëtarët, ndërsa deklaroi se në rastet kur vihet në diskutim vendimi i Gjykatës Kushtetuese kemi të bëjmë me një drejtësi të partisë shtet.

"Jam këtu për të sqaruar publikun mbi strategjinë e mazhorancës në këtë çështje dhe së dyti për të denoncuar mbrojtjen politike që Rama po i bën Xhaçkës. Kur votohet për Portin e Durrësit, apo për t’u dhënë para oligarkëve këta kanë disiplinë në grup, ndërsa në këtë rast kanë vendosur që deputetët të jenë të lirë të votojnë.

Ky është rasti i vetëm kur asnjë deputet nuk mund të votojë siç ai mendon, sepse është Kushtetuesja që na e dikton. Nuk patën guxim as të merrnin vendim. Nuk ka dhënë sinjal Rama se cfarë do të bëhet dhe nuk u kuptua se çfarë do të vendosin.

Kam një apel për partnerët ndërkombëtarë që kanë çuar përpara Reformën në Drejtësi, nëse Kuvendi i Shqipërisë në vitin 2024 do të vinte në diskutim vendimet e Kushtetueses, atëherë nuk mund të flitet për drejtësi të re, por jemi kthyer në drejtësinë e para 40 viteve. U kërkoj të monitorojnë atë që ka ndodhur në 1 vit e 3 muaj dhe në atë që po përgatitet për të zbatuar.

Olta Xhaçka e tërheq me vete në burg Edi Ramën, por frikërat e Ramës se do shkojë një burg nuk mund të tërheqin veprimtarinë e institucioneve kushtetuese", tha ndër tjera Bardhi./ CNA





Lajmet e fundit nga