web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Ja batërditë e Veliajt si kryebashkiak i Tiranës

8 Prill 2024, 18:37, Politikë CNA

Këlliçi: Ja batërditë e Veliajt si kryebashkiak i

Drejtuesi i PD-së për Tiranën, Belind Këlliçi ka denoncuar batërditë që ka bërë Erion Veliaj gjatë drejtimit të Bashkisë së Tiranës.

Këlliçi tha se Veliaj ka kryer 29 herë vepër penale në dosjen “5D” dhe kjo vërtetohet nga komunikimet e punonjësve të kësaj kompanive.

“Është e evidentuar 29 herë vepra penale e Erion Veliajt. Në harkun kohor të 8 viteve kjo kompani, e krijuar 6 muaj pasi Veliaj ka hyrë në zyrën e Kryebashkiakut, ka bërë batërdi, kanë përfituar minimalisht 30 mln euro.

Këta që janë prapa hekurave, që janë nën hetim, janë shtabi elektoral i Erion Veliajt, sepse këta kanë blerë vota për të vijuar Erion Veliaj si Kryebashkiak”, u shpreh ai.

Më tej, ish-deputeti evidentoi shkeljet e Veliajt në inceneratorin e Tiranës.

“Erion Veliaj merr përsipër jo vetëm pagesën për 30 vite të kontratës konçensionare, ndërkohë që ne paguajmë para për një shërbim që nuk kryhet, sepse incinerator nuk ka.

Kemi një marrëveshje të nënshkruar mes 4 institucioneve, që duhej të mbronin interesin e qytetit, siç janë Drejtori i Punëve Publike, i Policisë Bashkiake, e kështu me rradhë, që i ka çuar në shërbim të koncensionarit.

I ka detyruar ndërtuesit që dherat të depozitoheshin në landfill, e cila nuk ishte pjesë e kontratës, por policia bashkiake garantonte që asnjë mos të shpëtonte nga depozitimi i mbetjeve atje”, tha ai.

Këlliçi e konsideroi Erion Veliajn si pronarin faktik të inceneratorit të Tiranës, i cili faktikisht nuk ekziston.

“Edi Rama i ka vënë gjoksin kësaj aferës së inceneratorëve, sepse ai është bosi i madh i inceneratorëve, ndërsa Veliaj pronari faktik i inceneratorit të Tiranës”, nënvizoi drejtuesi politik i PD-së për Tiranën./ CNA





Lajmet e fundit nga