web counter
LEXO PA REKLAMA!

SHKARKO APP

App Store
Google Play

E fundit!

x

Skandali "5D"/ Meta: Miliarda euro vidhen pa pushim natë e ditë nga qeveria e inceneratorëve

8 Prill 2024, 18:44, Politikë CNA
Skandali "5D"/ Meta: Miliarda euro vidhen pa pushim natë e
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta në mbledhjen me Kryesinë e kësaj partie, solli në vëmendje skandalin e fundit me drejtorët e Erion Veliajt, me dosjen “5D”.

Meta tha se miliarda euro po vidhen natë e ditë, papushim, nga qeveria e inceneratorëve.

“Situata është alarmante. Miliarda euro po vidhen pa pushim natë e ditë nga qeveria e inceneratorëve dhe bashkitë e ‘5 D’-ve.”

Meta gjithashtu theksoi se Partia e Lirisë do të jetë 10 herë më e fuqishme se Lëvizja Socialiste për Integrim, kur ai u largua për t’u bërë President i vendit.

Ashtu siç u shpreh edhe ditën e djeshme, Meta tha se është koha për të përveshur mëngët, sepse nuk mund të lejojmë më që të vazhdohet të vidhet pafund me inceneratorin fantazmë dhe me Kompaninë 5D që drejton Bashkinë e Tiranës.

"Është koha për shkundje! Partia e Lirisë ka 5 prioritete kryesore për 10 vitet e ardhshme, në veçanti rritjen e pensioneve, mbështetjen e familjeve të reja dhe ndalimin e shpopullimit, që synojnë një Shqipëri europiane dhe me standarde të larta jetese”, tha Meta."/ CNA

 





Lajmet e fundit nga