web counter
LEXO PA REKLAMA!

SHKARKO APP

App Store
Google Play

"5D", Veliaj minimizon vjedhjen e 30 mln eurove/ Mburret me shkollat e drejtorëve që janë në qeli

9 Prill 2024, 10:59, Politikë CNA

"5D", Veliaj minimizon vjedhjen e 30 mln eurove/ Mburret me shkollat e

Erion Veliaj u shfaq sot në njërin prej emisioneve televizive për të minimizuar sa të mundet skandalin e "5D" që çoi në qeli 3 nga drejtorët më të rëndësishëm të tij në Bashkinë e Tiranës, njëherazi edhe anëtarët e shtabit të tij elektoral në zgjedhjet e 14 majit.

Me një panel gazetarësh shumë miqësorë, Veliaj u mundua të relativizojë vjedhjen përmes një skeme të sofistikuar, ku drejtorët më të rëndësishëm të bashkisë, kishin krijuar një kompani, me të cilat kryenin punimet publike në Tiranë, duke fituar tenderët me bekimin e kryebashkiakut, më pas i investonin paratë në hotele, që janë faktuar me dokumente dhe fakte. Veliaj ka marrë në mbrojtje drejtorët, duke u shprehur se ka bërë punë shumë të mira me Mariglen Qaton, Taulant Tushën, që e evidentoi madje edhe për ndërtimin e 40 shkollave, shumicën e të cilave i ka ndërtuar pikërisht kjo kompania e famshme e 5 drejtorëve të kryebashkiakut, si dhe Redi Mollën.

Kryebashkiaku ka zgjedhur të minimizojë në maksimum skandalin, madje duke theksuar se këta bashkëpunëtorët e tij të afërt janë pjesë e një administrate që ka 11 mijë punonjës, dhe që nuk është çudi e madhe që të ketë probleme.

Në fakt, Veliaj harron një detaj, që mundohet ta konsiderojë të vogël, pasi janë plot 30 mln euro që janë zhvatur nga drejtorët e tij, që sot ndodhen në qeli, por edhe të tjerë që janë nën hetim dhe pritet të kenë fatin e drejtorëve të arrestuar.

Ndoshta Veliaj do të hyjë në histori si kryebashkiaku që të gjithë drejtorët mund t'i përfundojnë në qeli, dhe ai sërish mund të shfaqet dhe të mburret me punën e tyre, nëse deri atëherë SPAK nuk do t'i rezervojë të njëjtin fat…/ Syri TV





Lajmet e fundit nga