web counter
LEXO PA REKLAMA!

SHKARKO APP

App Store
Google Play

Andi Bushati: Rama e Veliaj ua mbyllën gojën të gjitha televizioneve si në Korenë e Veriut

9 Prill 2024, 10:58, Politikë CNA

Andi Bushati: Rama e Veliaj ua mbyllën gojën të gjitha

Analisti Andi Bushati, i ftuar në ‘Çim Peka LIVE’, duke folur për skandalin e korrupsionit në Bashkinë e Tiranës me kompaninë ‘5D’, është shprehur se pas këtij skandali, një tjetër skandal është se si u është mbyllur goja medieve në vend.

Për Bushatin, Rama dhe Veliaj, pasi për 10 ditë nuk i kanë lënë mediat të flasin, tani ankohen se janë viktima të një linçimi politik.

"Janë shumica media që thonë sa mirë që na erdhi SPAK-u amerikan që po na zhvillon Shqipërinë, por kur SPAK-u merr 8 të pandehur, për një javë me radhë nuk flasin, bëjnë sikur ngjarja nuk ka ndodhur.

Është mbi 90% e audiencës televizive në vend, duke përfshirë dy televizionet më të mëdhenj në vend dhe emisionet e tyre në 'prime time', i kanë vënë shtupën gojës për të mos folur për këtë çështje.

Marrin fjalë Rama dhe Veliaj dhe megjithëse i kanë heshtur mediat për 1 javë ankohen për inkuizicion mediatik, baltë dhe për helm, për inkuizitë mesjetare, gjakatarë profesionistë, sigurimsa modernë.

Të dëgjoj Ramën dhe Veliajn të duket sikur këta janë viktima të një linçimi mediatik, ndërkohë që për 10 vite me radhë i kanë bërë mediat qesharake, si të Koresë së Veriut, përfshirë 'Top Channel' dhe 'Klan' brenda, bashkë me emisionet e tyre kryesore.

Pra, turp si ky dhe t'u shesësh shqiptarëve sapunin për djath, që neve po na kryqëzojnë si një bandë inkuizitorësh, ky është fundi. Tregon sa e madhe ka qenë vjedhja dhe sa i madh është koalicioni.

Nuk javë vetëm drejtorët, nuk janë vetëm Rama e Veliaj, por janë edhe një pjesë e oligarkisë dhe pronarëve mediatikë që kanë bërë këtë vjedhje masive në Tiranë.

Të njëjtët njerëz që na harxhonin minuta të tëra se po mbillet një pemë, po lyhet një shkollë, Veliaj po ushqen fëmijët, Veliaj po kujdeset për pensionistët, kur del se Veliaj bashkë me bandën e vet na paskan zhdukur 20 e ca milionë euro, heshtin", tha analisti Andi Bushati në "SYRI TV".





Lajmet e fundit nga