web counter
LEXO PA REKLAMA!

SHKARKO APP

App Store
Google Play

McGonigal rrëfehet para 7 krerëve të shërbimeve inteligjente amerikane/ Rama nën kërcënim

10 Prill 2024, 17:33, Politikë CNA
McGonigal rrëfehet para 7 krerëve të shërbimeve inteligjente
Charles McGonigal dhe Edi Rama

Gazetari Robert Papa ka folur këtë të mërkurë për ish-zyrtarin e FBI-së, Charles McGonigal, i cili duhet të ishte vetëdorëzuar më 18 mars, por burgosja e tij u shty për më 3 qershor.

Papa tha në edicionin e lajmeve në Mcn Tv se McGonigal ka filluar të flasë shumë.

Sipas tij, ish-zyrtari i lartë i FBI-së ka dhënë informacione të bollshme në një takim të gjatë që ka pasur me 7 drejtues të shërbimeve të inteligjente amerikane.

Ai ngiti pretendimet se rrëfimi i McGonigal-it është një kërcënim për kryeministrin Edi Rama.

“McGonigal duhet të vetëdorëzohej në burg në 18 mars. Është lënë i lirë me vendim gjykate deri në 3 qershor. McGonigal ka filluar të flasë shumë. Ka pasur një takim 7 orë me 7 krerë të shërbimeve të inteligjente amerikane, ku ka dhënë informacione të bollshme. Dihet që dosja ka qenë me 8 faqe përgjime dhe hetime të thella kanë qenë ndaj Ramës. Ajo që e rëndon më shumë është nisja e hetimeve ndaj Muzin, dhe çdo gjë ka nisur nga zyra e Fugës. Përfitimi i Ramës ishte që s’u bë një gjyq dhe ai s’u thirr si dëshmitar. Për këtë lloj dënimi që ka marrë McGonigal s’mund të ketë gjyq dhe hetim të ri. Por nëse ka të dhëna të reja jashtë akuzave që pranoi marrëveshjen, do të ketë. Nga informacionet që kam nuk janë mbyllur hesapet për Nezën dhe Duçkën, që është i ngatërruar te korrupsioni masiv i Hunter Biden-it. Kryeministri duhet ta dijë mirë se inteligjenca amerikane e ka pasur në përgjim. Ai e di mirë që qëndrimi amerikan ndaj tij është i ftohtë, ku një kryeministri i një vendi Republikë Bananesh arrin të korruptojë një ish-zyrtar të FBI-së. Ai po flet, ai po tregon, natyrisht ky është një kërcënim edhe për Edvin Ramën”, nënvizoi gazetari./ CNA





Lajmet e fundit nga