web counter
LEXO PA REKLAMA!

SHKARKO APP

App Store
Google Play

E fundit!

x

“Kocka” e Bashës trimëron Kullurin: Jemi partia e listave të hapura

10 Prill 2024, 12:39, Politikë CNA
“Kocka” e Bashës trimëron Kullurin: Jemi partia e listave
Lulzim Basha

Një nga moralistët dhe ish-kritikët më të mëdhenj të Lulzim Bashës, njeriu që kaloi ylberin për një “kockë” nga Basha dhe kunati i tij, njeriu që u struk në sqetullën e personit që për vite me radhë e quajti dështak, Edvin Kulluri trimërohet dhe sulmon grupin tjetër të opozitës.

Grupin e Bashës, e quan partinë e listave të hapura dhe ndërsa krahun tjetër të cilin e ka zëvendësuar për “lëpirjen” e radhës e quan parti të urrjetjes ndaj votës.

Është e paimagjinueshme, e pabesueshme se si një njeri që shitet për një karrige, një post të cilin nuk ia njeh askush, të përmendë rrogën qyl nga emërimet.

Kulluri nuk mbetet gjë tjetër veçse një pjesëtar i një grupi në minorancë, që është katandisur me disa mercenarë dhe që si mbështetje i ka mbetur vetëm kunati.

Por Basha do të “mbijetojë”, sepse ka pranë vetes moralistë si Kulluri, që për një kockë janë gati të tradhtojnë këdo dhe gjithçka.  

"Sot në Shqipëri ka dy “parti politike” përtej gjithë partive të regjistruara ne gjykate: Partia e Listave të Hapura dhe Partia e Urrejtjes Ndaj Votës! Anëtarët e partisë së dytë janë shtrirë në të gjitha partitë politike. Jane produkt i sistemit të mbyllur të 2008 e që s’kanë zhvilluar asnjë garë e as debat brenda dhe jashtë partive, pra në zgjedhje.

Bërtasin tërë ditën për “demokraci, votë, zhvillim” e ndërkohë e urrejnë votën dhe konkurrencën si “djalli temjanin”! Janë të lumtur me emërimin në parlament nga kryetari ne 12 pa 5 të natës kushdo qoftë ai apo sigla! Hanë qyl rrogën e emërimit, krekosen me salla bosh e kuti ku vota nuk numërohet por thjesht u lexohet emri “deputet” nga KQZ!

Janë ata që janë dakord me kryetarin ende pa filluar kryetari fjalën në konferenca degësh apo mbledhje kryesie, asambleje apo këshillash kombëtar! Ky grup i madh ndërpartiak, majtas e djathtas është vetë-emërtuar grupi parlamentar “ha Muco, pi Muco”!

Partia e parë e Listave të Hapura po ashtu ka anëtare në të gjitha partite politike! Janë njerëz që kanë kaluar herësin ose kanë qenë shumë pranë kalimit por janë përplasur me “listën e gatshme” që është gatuar në  2008. Ose janë politikanë që duan sfidën, garën e debatin. E shohin politikën si përfaqësim, vote e legjitimitet. Nuk “përloten me shami në dorë” nga fjalimet e shefave por respektojnë institucionet e partive dhe kryetarët si të tillë.

Nuk kapin për xhakete shoferët dhe familjarët e kryetarëve apo biznesemenët afër tyre. Thjesht duan atë për të cilën shumica e shqiptarëve dolën në sheshe në dhjetor të 1990: lirinë për të zgjedhur qeverisjen e tyre! Kaq! Kërkojnë të jenë njerëz të lirë.

Deri tani partia e dyte eshte shumice por nuk ka te drejte. Ndersa partia e pare jane me te pakte neper zyrat e parlamentit por perfaqesojne shumicen e shqiptareve qe u ka ardhur ne maje te hundes me “qylaxhinjte” e listave te mbyllura!

Kjo beteje e heshtur brenda partive dhe e hapur mes partive, eshte nje beteje qe ka nje rezultat te deritanishem! Kushtetuten dhe vendimin e Gjykates Kushtetuese per te HAPUR LISTAT! Beteja vazhdon….", ka shkruar ai./ CNA





Lajmet e fundit nga