Po SPAK-ut dhe shqiptarëve, a u rruhet për Monën?

20 Prill 2024, 16:35, Editorial CNA

Po SPAK-ut dhe shqiptarëve, a u rruhet për Monën?

Monika Kryemadhi dhe SPAK

Çifti Meta-Kryemadhi, gjatë gjithë kësaj jave ka filluar të dalë në aksion. Në një aksion me veprime nga më të ndryshmet, duke “prekur” zemrat e shqiptarëve, sa me divorce, me tradhti, me gjoja sherre, konflikte, përplasje, diskutime për çështje parimore nepotizmi dhe risi në fund patëm Edmond Haxhinaston, që fshihte vilën e Gjirit të Lalëzit, dhe disa ushtarë të rinj të Ilir Metës që janë përplasur me kalamajtë e vyer të Monika Kryemadhit.

Monika Kryemadhi dhe Ilir Meta

A E RRUAN SPAK-u PËR MONËN?

Spektakli më i madh ishte dje, kur Monika Kryemadhi, si një burrneshë, lëshoi një fjalë: “Nuk më rruhet as për burgun, as për SPAK-un”.

Mesazhi i Kryemadhit: Nuk më rruhet për SPAK-un
19 Prill, 20:00

Zakonisht, kjo është një shprehje që e përdorin burrat, por edhe gratë mund të mos e rruajnë. Është një proces i vetëzgjedhur.

Çështja është se, mirë Monika s’e rruan për burgun dhe për SPAK-un, po a e rruajnë SPAK-u dhe burgu për Monikën? Se pas Monikës, ndoshta i vjen radha edhe Ilirit. Megjithëse nga SPAK-u u tha se nuk është hetuar Ilir Meta, nuk është person në akuzë, e vërteta është se dy janë hetimet.(LEXO KETU)

DY ÇËSHTJET QË "NDEZIN" ILIR METËN

Një, për CEZ-DIA-n, për të cilën kërcen Ilir Meta dhe thotë pse i kanë kërkuar Kastriot Ismailajt të bashkëpunojë, për çfarë arsye? Patjetër, i kanë kërkuar të bashkëpunojë për të zbuluar një hajdut me çizme si Ilir Meta. Pse s’duhet ta pyesnin, apo të kërkonin të vërtetën për Ilir Metën? Apo ky lloj hajduti përjashtohet nga hetimet.

Ilir Meta, në SPAK

Çështja e dytë është ajo e lobimit të LSI-së, letërporositë, dokumentet, faktet, dhe më pas janë hetuar pronat dhe pasuritë e Monika Kryemadhit, që fillojnë nga vilat te Gjiri i Lalëzit, te pallatet në Tiranë, e kështu me radhë.

LSI-ja dhe vetë Ilir Meta kërkuan të rrëmbenin marrëveshjen e Reformës në Drejtësi. Kujtojmë këtu negociatat e ethshme në Kryesinë e Kuvendit, ku shkonte ambasadori Lu dhe ambasadorja Vlahutin, për votimin e reformës.

Ilir Meta dhe Donald Lu

Dhe, në momentin që Rama tentoi ta shpallte fitoren e tij personale, Ilir Meta atëherë e ka bërë copash, dhe ka thënë se është ai që ka gjetur zgjidhjen, konsensusin dhe është “babai” i Reformës në Drejtësi, asaj reforme që sot e shan, asaj reforme që sot e sulmon, asaj reforme që nuk ka bërë asgjë tjetër.

Disa prokurorë të ndershëm dhe me integritet, nuk pjerdhin fare as për Monika Kryemadhin, as për Ilir Metën, as për Erion Veliajn dhe as për kënd tjetër.

Ekskluzive/ Dumani për CNA: Ja e vërteta për McGonigal
16 Prill, 12:59

Megjithëse, Ilir Meta është i qartë. Kërkon që Reforma në Drejtësi të zbatohet thjesht dhe vetëm për palën tjetër, për pushtetin, kurse për Ilirin që ka 30 vjet që vjedh dhe rrjep shqiptarët, nuk duhet të ketë Reformë, nuk duhet të ketë arrestim.

Nga njëra anë janë arrestuar ministra, zëvendëskryeministri në arrati, drejtorë, një thes me njerëz janë pas prangave, disave po u hetohen pasuritë, po u sekuestrohen, kurse Ilirit nuk duhet t’ia bëjnë.

Arrestohen drejtorët e Erion Veliajt
28 Mars, 17:36

Pse? A ka një standard?

A ka qenë Ilir Meta në këto 33 vite deputet, ministër, kryeministër, zëvendëskryeministër, president, kryetar Kuvendi?

E, në ka njeri që është në borxh me Shqipërinë, është Ilir Meta, se rrogën e parë dhe të fundit të tij e ka marrë si deputet i paguar nga shqiptarët.

Ndaj dhe hetimet duhet të shkojnë në fund, për të treguar se jo më vetëm Monikës apo Ilir Metës, por edhe SPAK-ut dhe shqiptarëve nuk u rruhet për ata të dy. Pra, për Monën dhe për Liken. (LEXO KETU)