web counter
LEXO PA REKLAMA!

SHKARKO APP

App Store
Google Play

Meta si Cosa Nostra

18 Prill 2024, 14:01, Politikë CNA
Meta si Cosa Nostra
Kryetari i PL-së, Ilir Meta

Deputeti Erion Braçe ka reaguar ashpër kundër sulmeve të kryetarit të PL-së, Ilir Meta ndaj drejtuesit të SPAK-ut, Altin Dumani.

Gjatë fjalimit të tij në Kuvend, Braçe tha se deligjitimimi përmes shpifjes lindi te mafia italiane “Cosa Nostra” dhe në pas hyri në politikën e mafies.

Ai deklaroi se e njejta gjë po ndodh në Shqipëri me sulmet që po i bëhen Altin Dumanit dhe drejtësisë së re.

Deputeti theksoi se nuk mund të tolerohet që politikanët t’i japin vetes pushtet mbi Kushtetutën duke sulmuar institucionet e drejtësisë.

“Ka që nga shtator që ka tension shumë të madh mes politikës dhe drejtësisë. Madje ndaj drejtësisë së re. Se kuptoj tensionin. Reforma e drejtësisë kishte këtë qëllim, politikanët në rolin e tyre dhe organet e drejtësisë në rolin e tyre kushtetues. Prokurorët ngrenë akuza, politikanët nuk kanë asgjë më tepër se qytetarët në këtë asket. Ky pushteti nuk mund të përdoret kundër institucioneve të drejtësisë. Pse ka kaq mllef? Pse duhet shkuar në linçimin, siç gjatë ditëve te fundit linçimi ka ikur në eterr. Ka vajtur aq larg sa ka shkaktuar tronditje të thellë në opinion publik.

Pse duhet që politika të përdorë pushtetin e saj për të linçuar prokurorë dhe gjyqtarë. Pse u dashka që ne deputetët të mos bindemi kundrejt Kushtetutës, por të synojmë deligjitimimin e prokurorëve. Deligjitimimi përmes shpifjes lindi te mafia, Cosa Nostra. Nga Cosa Nostra dhe pastaj vajti te politika e mafies, pastaj në shtete malinje. Po ndodh këtu, po ndodh dhe në Shqipëri. Nuk mund ta tolerojmë që politikanët t’i japin vetes pushtet mbi Kushtetutën duke sulmuar institucione të tjera. Gjej në këtë sallë njerëz që e kanë mbështetur reformën në drejtësi, një pjesë nuk janë fare këtu, janë përzënë nga partia. E gjitha ca po ndodh demonstron se s’kemi qenë bashkë në qëllime për këtë reformë. Jo vetëm që s’kemi qenë bashkë, po urrejtja kundrejt atyre institucioneve të drejtësisë së re është në kulm. Duhet të bëjmë një hap pas të gjithë bashkë dhe të pranojmë rolin tonë, s’kemi asgjë më shumë se qytetarët e në raport me kushtetutën, secili duhet të jetë i barabartë para ligjit”, nënvizoi Braçe./ CNA





Lajmet e fundit nga