web counter
LEXO PA REKLAMA!

SHKARKO APP

App Store
Google Play

Ilir Meta duhet arrestuar sot!

16 Prill 2024, 15:43, Politikë CNA
Ilir Meta duhet arrestuar sot!
Ilir Meta, kreu i PL-së

Në një akt të pashembullt politik, kreu i Partisë së Lirisë, Ilir Meta, ka sulmuar SPAK-un, duke u sjellë si kapo i një bande mafioze e duke kaluar deri në kërcënime personale ndaj Altin Dumanit, kreut të këtij institucioni.

Pasi i kërkon llogari sikur të ishte shefi i SPAK-ut, Ilir Meta hedh akuza për dosjen e inceneratorëve dhe drejtorët e korruptuar të Veliajt, shumëzon me zero ministrat e arrestuar nga SPAK-u, zëvendëskryeministrin në arrati dhe hetimet që po zhvillohen për dosjet e nxehta nga ky institucion.

Më pas, në fund, kërcënon Altin Dumanin në mënyrë të drejtpërdrejtë, duke theksuar se ku do të shkojë Altin Dumani nëse vazhdon me veprimet e tij të mëtejshme të cilat i quan mafioze.

Në fakt, i gjithë ky qëndrim i Metës është mafioz, kriminal.

CNA do të mbajë qëndrim të drejtpërdrejtë përballë Ilir Metës, kryehajdutit të Shqipërisë. Ilir Meta që vodhi floririn, Ilir Meta i bandave dhe grupeve kriminale.

Ilir Meta i 21 janarit, i bllokut të Dritan Priftit, Ilir Meta i Kastriot Ismailajt, i aferës CEZ-DIA, Ilir Meta, i cili po hetohet dhe duhet çuar përballë drejtësisë për pasuritë miliardëshe, pasi ka ardhur me pantallona të shkurtra nga Skrapari dhe tashmë i kthyer në pronar të Tiranës.

Ilir Meta është sjellë sot si një kapo mafie dhe ndaj tij duhen hedhur prangat për kërcënim ndaj kreut të SPAK-ut, ndaj sistemit të drejtësisë, pasi nuk mund të lejohen më palaço dhe sharlatanë që “kanë lëshuar pëllumbat” dhe pretendojnë se janë çmendur, të lihen rrugëve, por duhet të shkojnë të japin llogari përballë drejtësisë dhe me sulme dhe kërcënime ndaj SPAK-ut e prokurorëve të këtij institucioni, duhet të mbajë përgjegjësi Ilir Meta dhe kushdo tjetër që guxon ta bëjë atë./ CNA

 





Lajmet e fundit nga