web counter
LEXO PA REKLAMA!

SHKARKO APP

App Store
Google Play

Rama dorëzohet para Dumanit: Ka korrupsion, SPAK të vazhdojë luftën

15 Prill 2024, 21:33, Politikë CNA

Rama dorëzohet para Dumanit: Ka korrupsion, SPAK të vazhdojë

Kryeministri Edi Rama është dorëzuar para SPAK dhe kreut të saj Altin Dumani.

Rama ka deklaruar se SPAK duhet të vazhdojë luftën kundër korrupsionit në të gjitha nivelet dhe ta thellojë atë, pas goditjes që i dha Bashkisë Tiranë, duke vënë pas hekurave drejtorët hajdutë të Erion Veliajt.

Rama theksoi se i ka dhënë mesazhet e qarta për të gjithë.

“Mos t’i hyjmë këtij diskutimi se çfarë thotë njëri e çfarë thotë tjetri, se po flasim bashkë këtu. Unë personalisht di që ne e para e punës, kur vjen puna për qeverinë, unë jam shumë i vëmendshëm dhe kam bërë ndryshime të vazhdueshme në qeveri, iu kam dhënë mesazhet e mia shumë të qarta të gjithëve. Kam dhënë mesazhe të qarta edhe me lëvizjet e qeverisë, edhe me veprimet të tjera që jo gjithmonë kanë qenë të lidhura me çështje që kanë patur të bëjnë me shqetësime të kësaj natyre dhe nga ana tjetër kemi vijuar të bëjmë reformim dhe ristrukturim dhe për këtë flasin shifrat.

Pra, që lufta me korrupsionin duhet të vazhdojë në të gjitha nivelet, kjo nuk diskutohet, që duhet të thellohet, kjo nuk diskutohet, që kur ka ngjarje të tilla njerëzit duhet të ndjehen të çliruar që u lehtësua një peshë që e kemi pasur në kurriz edhe që na ka rënduar edhe që nuk e kemi identifikuar dhe jo të krijohet e gjithë kjo zallamahi, por kësaj zallamahisë nuk kemi çfarë i bëjmë është pjesë e jetës politike”, tha Rama./ CNA





Lajmet e fundit nga