web counter
LEXO PA REKLAMA!

SHKARKO APP

App Store
Google Play

E fundit!

x

Konventa më 27 prill, Meta: Kushdo që dëshiron të drejtojë PL-në të kandidojë

15 Prill 2024, 14:11, Politikë CNA
Konventa më 27 prill, Meta: Kushdo që dëshiron të
Ilir Meta

Në mbledhjen e Kryesisë së Partisë së Lirisë, Ilir Meta u shpreh se ka ardhur koha që të ndërtohet një parti me baza të reja, ku do t’i jepet fund nepotizmit.

"Statuti do ta ndërtojë këtë parti me baza të reja duke i thënë fund nepotizmit, duke i dhënë fund mosmbajtjes së përgjegjësive, kakofonisë në drejtim dhe lënies hapësirë për alibi e shfajësime për ata që nuk përmbushin detyrimet e tyre", tha Meta. 

Kreu i PL-së i bëri thirrje kujtdo që dëshiron të drejtojë Partinë e Lirisë që të kandidojë në Konventën e 27 prillit. Në fjalën e tij, ai propozoi si Sekretare për Qarkun e Tiranës, Erisa Xhixhon, ndërsa sekretar për Korçën, Tedi Blushin.

"Ftoj këdo që ka dëshirë të drejtojë më mirë PL-në të kandidojë në konventën që vjen. Ftoj cilindo që ka një platformë më të mirë, ta paraqesë. Kjo nuk mund të jetë një forcë me dy shoferë. Dualizmi ishte shkatërrimtar për PD-në, pale kur futet ndonjë dorë e tretë në timon dhe askush nuk mban përgjegjësi për fatin e autobusit. Duhet shpejtësi, duhet vendimmarrje, fuqizim i organizmit dhe përqendrim i mesazhit te 5 prioritetet dhe një vendimmarrje vertikale në zbatimin e çdo vendimi që merr konventa dhe gjitha forumet më pas”, tha Meta./CNA 





Lajmet e fundit nga