web counter
LEXO PA REKLAMA!

SHKARKO APP

App Store
Google Play

Rrëfehet Jozefina Topalli/ Si hyra në politikë

14 Prill 2024, 21:05, Politikë CNA
Rrëfehet Jozefina Topalli/ Si hyra në politikë
Ish-kryetarja e Kuvendit, Jozefina Topalli

Ish-kryetarja e Kuvendit, Jozefina Topalli, si rrallëherë më parë, ka treguar se si u angazhua në politikë.

Ajo rrëfeu se ka qenë gjithmonë pjesë e Partisë Demokratike, por asnjëherë nuk kishte menduar angazhimin në politikë.

Topalli tha gjatë një interviste televizive se fillimisht i propozuan të bëhej anëtare e Këshillit Bashkiak dhe më pas deputete, por kishte refuzuar të dyja postet.

Ish-kryeparlamentarja bëri të ditur se pranoi të bëhej deputete pas një insistimi të gjatë nga demokratët.

“Kisha përfunduar studimet, punoja si kancelare dhe kisha filluar të jepja mësim në Universitetin e Shkodrës. Ëndrra ime ishte që të vazhdoja për specializime, që të rritesha nga ana profesionale në fushën time, etj. Në ’96-ën më thanë që kemi menduar që të bëhesh anëtare e Këshillit Bashkiak, i buzëqesha dhe i thashë, shumë faleminderit, nuk më pëlqen politika, nuk dua të merrem me politikë, kam të tjera ëndrra dhe unë mendoja se duhet të rikuperoja të gjithë kohën e humbur gjatë viteve të mëparshme.

Pastaj, më thanë se ne mendojmë se duhet të bëhesh deputete, të përfaqësosh qytetin tënd. Sigurisht që ishte një jo e prerë e parë, e padiskutueshme. Por pastaj kur vazhdoi të kishte një insistim, erdhi një moment që thashë një po, pa e ditur se ku po hyja dhe ku do të shkoja. Në atë kohë e kisha djalin të vogël, ishte një vit dhe në atë kohë unë u bëra deputete në ’96-ën dhe kujtoj që më vunë kryetare të komisionit të ligjeve. U çudita shumë, si ka mundësi që pa një eksperiencë në parlament më caktuan të bëhem kryetare e komisionit të ligjeve.

Sigurisht që ndjeja një përgjegjësi shumë të madhe, nuk kisha shumë besim në vete se unë do ta menaxhoja, do të isha në lartësinë që të tjerët të mos gjykonin negativisht dhe besoj se ai vit ka qenë një eksperiencë e shkëlqyeshme për të kuptuar si funksionon thelbi i Parlamentit”, nënvizoi Jozefina Topalli./ CNA





Lajmet e fundit nga