web counter
LEXO PA REKLAMA!

SHKARKO APP

App Store
Google Play

DENONCIMI: Nëndrejtoresha e QSUT-së i jep të birit tenderin me vlerë 6.8 milionë euro

13 Prill 2024, 11:14, Politikë CNA

DENONCIMI: Nëndrejtoresha e QSUT-së i jep të birit tenderin me

Zëdhënësja për Anti-Korrupsionin në Partinë Demokratike, Genta Vangjeli denoncoi sot nga selia blu se Edi Rama i ka dhënë tenderin për trajtimin e mbetjeve mjekësore, kompanisë së djalit të nëndrejtoreshës së QSUT-së. 

"Në total janë 6.8 miliardë ose 6.8 milionë euro para publike", denoncoi ajo. 

Pjesë nga deklarata: 

Para rreth katër vitesh, më 3 Prill 2020, Edi Rama nënshkruan në stilin e tij fap-fap-fap një VKM që, po ta pyesësh do të thotë se nuk e ka parë.

Bëhet fjalë për VKM nr. 273 për Miratimin e kontratës për lotin 2 me objekt ‘Trajtim dhe asgjësim të mbetjeve që dalin nga shërbimet ku marrin trajtim pacientët me COVID-19 për QSUT’. Palë janë Ministria e Shëndetësisë dhe një operator ekonomik.

Sigurisht që Rama nuk e ka parë, sepse dihet që ai nuk nënshkruan kurrë VKM për kontrata klienteliste. 

Sqarojmë publikun se nëndrejtoresha e Qsut është e motra e Komisioneres së Mbikëqyrjes së Shërbimit Civil. 

Ku ta dinte Kryeministri se nëndrejtoresha do hante kumbulla pas shpinës së tij. Ai nuk shihte Ahmetajn kur i hante kumbulla në krah. A është kjo kontratë sekrete klienteliste e vetmja? Sigurisht, që jo…

Të vjedhësh fondet publike me emrat e familjarëve të zyrtarëve të lartë nuk është e padëgjuar për shqiptarët …nuk keni parë gjë akoma.

Të përfitosh duke përdorur fatkeqësi si pandemia e Covid19 është çnjerëzore…..nuk keni parë gjë akoma. Të gjitha i ofron Edi Rama dhe i paguan shtrenjtë qytetari shqiptar, falë njeriut që premtoi shëndetësinë falas në vitin 2013./CNA 





Lajmet e fundit nga