web counter
LEXO PA REKLAMA!

SHKARKO APP

App Store
Google Play

E fundit!

x

Habit Xhaçka: Nuk e di se çfarë bënte burrim im, s’më interesonin detajet

11 Prill 2024, 21:56, Politikë CNA
Habit Xhaçka: Nuk e di se çfarë bënte burrim im,
Ish-ministrja Olta Xhaçka

Ish-ministrja Olta Xhaçka ka habitur me deklaratën e saj, teksa foli për statusin e investitorit strategjik dhe investimin e bashkëshortit të saj, Artan Gaçi.

Xhaçka tha në televizionin e inceneratorëve se me bashkëshortin ka biseduar për projektin, por nuk i ka interesuar të dijë për detajet.

Ajo deklaroi se nuk e dinte që investimi i bashkëshortit të saj do të diskutohej në mbledhjen e Këshillit të Ministrave.

“Kemi folur patjetër se ky projekt ka qenë ëndrra e tij. Ka qenë në partneritet më kompani të rëndësishme të huaja që mund të menaxhonin këtë investim. Ka qenë ëndrra e tij sepse ka dashur të realizojë një gjë të rëndësishme për ekonominë atje. Duke besuar që e ardhmja e këtij vendi është turizmi, kursimet, me kreditë bankare… Do ta realizonte në këtë sipërmarrje. Nuk di tua them detajet, nuk më kanë interesuar. Nuk jam naive, por nuk e kam ditur, nuk e di sa mund të më besojnë, por nuk e kam ditur që statusi i investitorit të asistuar, përcaktimi i koordinatave do ishte në mbledhjen e Këshillit të Ministrave. Kam menduar që nuk mund të votoja një vendimmarrje që e dija që kishte të bënte me familjarët e mi. Kam qenë prezente në mbledhjen dhe kam lajmëruar që ndodhet kjo pikë që mendoj se nuk duhet të votoj dhe nuk jam paraqitur në atë votim. Ishte përgjegjësi etike. Nuk ishte thjesht çështja e konfliktit të interesit, ishte kjo ngacmim etik që nuk duhet të merrja pjesë në atë votim. Nuk pyeta Ramën, thjesht ia deklarova sekretarit të përgjithshëm”, theksoi ish-ministrja./ CNA





Lajmet e fundit nga