web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, “pa sy e veshë”/ Ku di unë ç’bëhet në bashki

11 Prill 2024, 21:08, Politikë CNA
Veliaj, “pa sy e veshë”/ Ku di unë
Kryebashkiaku Erion Veliaj

Kryebashkiaku Erion Veliaj ka luajtur rolin e personit të paditur për kompaninë “5D” dhe për drejtorët e tij hajdutë që morën një seri tenderash nga Bashkia e Tiranës.

Duke qenë se është sjellë gjatë gjithë kohës sikur i kanë ngrënë fiq e dardha pas shpine, ashtu si kryeministrit Edi Rama, Veliaj u pyet mbrëmjen e sotme nëse Bashkia e Tiranës kishte informacion për atë që ndodhte.

Ai është justifikuar duke thënë se gjatë një dite ndodhin shumë procedura dhe "një person politik nuk është fare pjesë e procedurës".

“Njerëzit duhet të dinë se në bashkinë e Tiranës, ka çdo ditë 30 procedura, rreth 1 mijë në vit. Bashkia blen edhe pllaka për varret edhe arkivol për ata që janë të pastrehë, edhe kitet e sterilizimit të qenve të rrugës, klor për ujin, bankat e shkollave, mesa duket ka disa vende që e kanë çuar në ekstrem. Bota ka shumë eksperienca, unë besoj që ky moment reflektimi për të pasur më shumë siguresa dhe më shumë vetting brenda llojit, për të thënë po, t’i si kompani do bësh edhe një deklaratë, dhe po e mendojmë këtë. Duam që institucioni ynë i auditit të bëjë edhe një minivetting për një procedurë të bashkisë së Tiranës aplikojnë mesatarisht 20 kompani, është e pamundur që kryetari i bashkisë të dijë, motra, vëllai, i afërmi, por ama në momentin që ti ke një dokument si ai i vetë deklarimit të pasurisë apo konfliktit të interesit ose i dekriminalizimit dhe po diskutojmë me një kompani britanike që përveç ta fitojë firma që është ulur më shumë, ajo që po diskutojmë është se duhet të shtojmë disa rregulla të tjera. Një bilbil fryrësi qe na jep informacion të tillë, duhet patjetër që t’i japim më shumë anonimitet dhe siguri.”, ka deklaruar Veliaj në një dalje televizive./ CNA





Lajmet e fundit nga