web counter
LEXO PA REKLAMA!

SHKARKO APP

App Store
Google Play

Ekskluzive/ Dumani për CNA: Ja e vërteta për McGonigal

16 Prill 2024, 12:51, Aktualitet CNA
Ekskluzive/ Dumani për CNA: Ja e vërteta për McGonigal
Altin Dumani

Ish-presidenti Ilir Meta, dje, në studion e emisionit "Opinion" të Blendi Fevziut në “TV Klan”, ka hedhur akuza të forta ndaj kreut të SPAK-ut, Altin Dumani.

Duke lënë paralelet dhe vrapin, por në marrinë e tij, Ilir Meta ka hedhur akuza të drejtpërdrejta duke thënë se Altin Dumani është takuar me McGonigal dhe duhet t'ia çonin kreun e SPAK-ut në studio.

Pa shkuar më tej tek akuzat se Meta do të arrestonte SPAK-un bashkë me Dumanin dhe mesa duket do të ngrinte akuza nesër për hallet dhe problemet e tij me drejtësinë.

CNA iu drejtua me një kërkesë zyrtare SPAK-ut mëngjesin e sotëm, zëdhënëses së këtij institucioni, duke i kërkuar informacion si qëndron e vërteta me takimin me McGonigal.

Në kërkesën drejtuar zyrës së shtypit të SPAK-ut nga gazetari Elvi Fundo, u drejtuan pyetjet:

A e ka takuar zoti Dumani ndonjëherë McGonigal? 

A ka hetime për ish-agjentin e FBI-së nga SPAK-u dhe deri ku ndodhen ato?

Zoti Dumani u përgjigj personalisht për CNA nëpërmjet zyrës së shtypit duket theksuar: "Unë nuk e kam takuar kurrë McGonigal. Gjithçka është thënë në media, është në vazhdën e akuzave të vazhdueshme, të pabaza që bëhen për institucionin që unë drejtoj. Nuk ka pasur asnjë arsye për të takuar McGonigal, as nuk e kam njohur kurrë dhe emrin ia kam dëgjuar pas publikimeve ne mediat shqiptare". 

Ekskluzive/ Dumani për CNA: Ja e vërteta për McGonigal
Charles McGonigal

Në lidhje me pyetjen tonë se "A ka hetime të mëtejshme për dosjen McGonigal dhe ish-agjentin e FBI-së?", Dumani është përgjigjur se nuk mund të flasë, nuk mund të shprehet për këtë çështje.

Pra, Dumani në sqarimin e tij për CNA ka rrëzuar akuzat e Ilir Metes dhe gënjeshtrat e tij bërë dje në "Opinon"./CNA

 





Lajmet e fundit nga