web counter
LEXO PA REKLAMA!

SHKARKO APP

App Store
Google Play

Do kandidojë për eurodeputet me partinë e Mitsotakis/ Vjen reagimi i parë i Fredi Belerit

15 Prill 2024, 18:34, Aktualitet CNA
Do kandidojë për eurodeputet me partinë e Mitsotakis/ Vjen
Fredi Beleri

Kryebashkiaku i zgjedhur i Himarës Fredi Beleri është shpallur zyrtarisht kandidat i partisë greke në pushtet Demokracia e Re për zgjedhjet e ardhshme evropiane.

Kandidatë të tjerë, përfshijnë eurodeputetët aktualë të Demokracisë së Re, gazetarët grekë Giorgos Aftias dhe Eleonora Meleti dhe ish-peshëngritësin Pirro Dhima.

Beleri bëri deklaratën e tij të parë, pas prezantimit të fletës së votimit të partisë “Demokracia e Re” nga kryeministri grek Kyriakos Mitsotakis. Beleri ka reaguar për median greke “Protothema.gr”.

“Kryebashkiaku zgjedhur i Himarës, i cili qëndron në paraburgim në Shqipëri, pa u lejuar të bëjë betimin, falenderoi Kyriakos Mitsotakis për mbështetjen e pandarë që i ofroi gjatë gjithë këtyre muajve,

Beleri theksoi se “beteja që po bëj nuk është personale. Është një betejë për shtetin ligjor dhe demokracinë, rregullat e së cilës duhet të respektohen nga të gjithë.”

Gjithashtu, Beleri tha për median greke, se kjo është një betejë për vlerat që përfaqëson Perëndimi dhe Europa, dhe të cilat duhet të respektohen nga ata që duan t'i bashkohen familjes së madhe evropiane.

"Është një betejë për pjesën më të vuajtur dhe të padrejtë të helenizmit, minoritetin grek të Shqipërisë”.

Beleri, në aktivitetin e Demokracisë së Re është përfaqësuar nga vëllai i tij, Leonardo, ndërsa është duartrokitur nga të pranishmit në momentin e shpalljes së emrit./ CNA





Lajmet e fundit nga