web counter
LEXO PA REKLAMA!

SHKARKO APP

App Store
Google Play

E fundit!

x

Balla: Shërbimi zjarrfikës nuk është qokë, duhen punonjës të trajnuar

15 Prill 2024, 10:02, Aktualitet CNA
Balla: Shërbimi zjarrfikës nuk është qokë, duhen
Ministri i Brendshëm, Taulant Balla

Ministri i Brendshëm, Taulant Balla, kërkoi reformim të Shërbimit Zjarrfikës në shkallë vendi.

Në një takim të mbajtur me drejtuesit e Forcave Zjarrfikëse në 61 njësi vendore, Balla tha se "shërbimi zjarrfikës ka nevojë për uniformizim dhe përmirësim më të prekshëm si në Drejtorinë e Përgjithshme, e gjithashtu në nivel vendor".

Ministri deklaroi se duhet plotësuar baza e plotë nënligjore për rekrutimet, trajnimet, menaxhimin e të dhënave, si dhe përmirësimin e transparencës së inspektimeve ndaj bizneseve.

"Jemi të gjithë të mirëkuptuar se gjithçka thashë është një epikrizë jo e plotë e situatës. E di fare mirë që në një pjesë të bashkive nuk kemi flotën e duhur të mjeteve zjarrfikëseve, nuk janë punonjësit e duhur në disa njësi vendore të trajnuar në këtë shërbim, por drejtuesit vendorë duhet të kuptojnë se të punosh në këtë shërbim nuk është qokë, sepse rrezikon edhe vetë jetën e atij personi që është emëruar në atë detyrë që nuk ka njohuri", u shpreh ai.

Balla theksoi se situata duhet të ndryshojë menjëherë dhe "nuk duhet të ketë asnjë objekt me intenstitet të madh publik si hotel, kinema, etj., pa u inspektuar"./ CNA





Lajmet e fundit nga