web counter
LEXO PA REKLAMA!

SHKARKO APP

App Store
Google Play

Ambasadori holandez, nga Korça: Mbështesim integrimin e Shqipërisë në BE

14 Prill 2024, 11:00, Aktualitet CNA

Ambasadori holandez, nga Korça: Mbështesim integrimin e

Mbrëmjen e djeshme në Galerinë e Arteve Digjitale u organizua nata e poezisë holandeze, ku pjesëmarrës ishte edhe ambasadori holandez në Shqipëri, Reinout Vos.

Ambasadori, në një intervistë për mediat, ka pranuar t'u përgjigjet disa prej pyetjeve të gazetarëve lidhur me situatën politike të Shqipërisë.

"Është shumë e rëndësishme hapja e kapitujve për integrimin e Shqipërisë në BE dhe duke u fokusuar kryesisht në ligjin e së drejtës. Shpresojmë dhe jemi shumë optimistë në rrugën e Shqipërisë në këtë drejtim."

Vos thotë se janë optimistë në rrugën e Shqipërisë drejt integrimit në BE, ndërsa lidhur me komisionin e dezinformimit nga shtetet e huaja është shprehur se duhet kohë për të thënë diçka.

"Është shumë herët për të folur pasi kjo është një vendimmarrje shumë e re dhe na duhet kohë për ta parë dhe për të thënë diçka mbi të."

Sa i përket bashkëpunimit të mazhorancës dhe opozitës për miratimin e reformës zgjedhore, ambasadori ka thënë se duhet ky bashkëpunim pasi reforma zgjedhore dhe e ardhmja e Shqipërisë në BE është një hap shumë i rëndësishëm për vendin. Ndër të tjera, Vos ka komentuar edhe lidhur me normalizimin e situatës në Ballkanin perëndimor.

"Jam i kënaqur që si opozita ashtu edhe mazhoranca janë duke punuar së bashku në parlament pasi reforma zgjedhore dhe e ardhmja e Shqipërisë në BE është një hap shumë i rëndësishëm për vendin. Duhet bashkëpunimi i të dyja palëve. Është e vërtetë që BE ka interes në Ballkanin Perëndimor, por u ngelet vendeve të BP për të punuar fort rreth integrimit në BE. Jam i impresionuar nga puna që Shqipëria ka bërë në detyrat e shtëpisë dhe prezantimin në Bruksel vitin e kaluar, por akoma ka nevojë për punë përpara për të ardhmen evropiane."

Aktiviteti i mbrëmjes së djeshme ku pjesëmarrës është bërë edhe ambasadori holandez ka pasur protagonistë aktoren Zamira Kita, Paola Kodra dhe Antonio Tole./ CNA





Lajmet e fundit nga