"Perla" për plazhin në Dhërmi/ Beqiraj: Xhaçka shkallmoi me një fjali propagandën socialiste

12 Prill 2024, 12:58, Aktualitet CNA

"Perla" për plazhin në Dhërmi/ Beqiraj: Xhaçka

Ish-ministrja dhe deputetja e Partisë Socialiste, Olta Xhaçka, në një intervistë televizive lëshoi perlën e radhës pasi theksoi se plazhi është shumë i nevojshëm, për hotelin që po ndërton burri i saj, sepse mund të "vijë dikush nga mali dhe të na vendosë çadrën aty".

Kjo deklaratë e saj ka ngjallur shumë reagime në rrjet, ku ka bërë një shkrim edhe ish-zëvendësministrja e Ekonomisë, Irena Beqiraj.

Kjo e fundit thekson se me këtë deklaratë, Xhaçka tregoi se socialistët ushqejnë plagën e diskriminimit, fanatizmit dhe përjashtimin.

"Nuk di sa duar do të duhet të puthin e sa tallava do të duhet të kërcejë në kohë zgjedhjesh Rama & Co për të zhbërë sinqeritetin e znj. Xhaçka, e cila tregoi në një fjali të thjeshtë, spontane, pa shumë stërholllime se si në të vërtetë brenda mendjes së tyre qeveritarët socialistë i shikojnë e trajtojnë 'shqiptarët nga mali'. Ajo fjali shkallmoi dje çdo propagandë! Ajo fjali vlen më shumë se 1000 analiza kritike që një e 'majtë e bërë nga librat' si unë u ka bërë qeverive socialiste këto 8 vjet", shprehet ajo.

Shkrimi i plotë:

Sinqeriteti i zonjës Xhaçka.
Sot rrjeti ishte mbushur me një sekuencë të intervistës së deputetes Xhacka, në të cilën ajo shprehej se "plazhi i është dhënë bashkeshortit të saj kundrejt tarifës, me qëllimin që të mos vijnë ato nga mali edhe të ngulin cadrën pasi investimi ka qëllimin ekselent të ofrojë turizim cilësor"!

Sinqeriteti i Oltës është çarmatosës. Me fjalinë e mësipërme ajo ka konfirmuar se qeveria socialiste me vizionin e saj ka varrosur dhimshëm një herë e mirë axhendën progresive socialiste, e cila ka në themel "mirëqënien e banorit lokal nga mali”.
Turizmi që duhet të zhvillonin socialistët, duhet të ishte mjeti për rritjen e mirëqënies pikërisht " të banorit lokal nga mali" edhe jo të ushqente kaq hapur plagën e diskriminimit, fanatizmit dhe përjashtimin. Ne si vend mund të përparojmë vetëm nëse ka prosperitet të përbashkët.

Une nuk jam e majtë denbabaden e nuk vij nga një familje socialiste si zonja Xhacka. Unë jam e majtë sepse jam ekonomiste. Në ekonomi mësova se për te përcaktuar qëllimet e së ardhmes, duhet të studiojmë të tashmen në dritën e së shkuarës edhe se asnjë pjesë e natyrës së njeriut ose e institucioneve të ndërtuara prej tij nuk duhet të jetë jashtë vëmendjes tonë kur hartojmë politikat ekonomike.

Edhe ishin pikërisht studimet në ekonomi ato që më bindën se ideologjia, ku investitori strategjik përpiqet të fitojë më shumë, edhe duke mos lejuar "vendaliun nga mali" të vendos çadrën ishte e gabuar; Besimi pothuajse fetar në fuqinë e investimeve të ekselencës sic e quajti deputetja investimin e bashkëshortit — edhe aq më tepër mbështetja e pakufizuar qeveritare për disa investitorë - nuk ka baza as teorike e as praktike në ofrimin e prosperitetit ekonomik të vendit. Sot përtej pabarazisë ekonomike midis investitorit strategjik edhe dhërmiotëve apo himariotëve nga mali, realiteti ekonomik i "kapitalizmit së kurorës" që po përcjellim çdo ditë ka braktisur me kohë çdo logjikë ekonomike, duke ushqyer një pabarazi ektreme shoqërore edhe relacionale.

Nuk di sa duar do të duhet të puthin e sa tallava do të duhet të kërcejë në kohë zgjedhjesh Rama& Co për te c'bërë sinqeritetin e znj. Xhacka, e cila tregoi në një fjali të thjeshtë, spontane , pa shume stërholllime sesi në të vertetë brenda mendjes se tyre qeveritarët socialistë i shikojnë e trajtojnë "shqiptarët nga mali".

Ajo fjali shkallmoi dje cdo propagandë! Ajo fjali vlen më shumë se 1000 analiza kritike që një e "majtë e bërë nga librat" si unë i ka berë qeverive socialiste këto 8 vjet!/CNA