web counter
LEXO PA REKLAMA!

SHKARKO APP

App Store
Google Play

E fundit!

x

Profesionalizmi i Dumanit/ “Prova e madhe” që dha vite më parë

11 Prill 2024, 22:51, Aktualitet CNA
Profesionalizmi i Dumanit/ “Prova e madhe” që dha vite më
Kreu i SPAK-ut, Altin Dumani

Për gazetaren Fatjona Mejdini, kreu i SPAK-ut është një person që ka besnikëri të madhe ndaj punës së tij.

Për të konfirmuar këtë, ajo përmendi një rast kur Altin Dumani dërgoi në burg një koleg të tij në Prokurorinë e Tiranës, për ryshfet.

Ajo deklaroi se kjo ngjarje ka ndodhur në vitin 2009, kohë kur kreu aktual i SPAK-ut drejtonte task-forcën në Prokurorinë e Tiranës.

“Në vitin 2009 kur ai drejtonte task-forcën në Prokurorinë e Tiranës. Ka qenë mini SPAK-u që u drejtua nga Dumani. Ka një element shumë interesant që është një shembull shumë i mirë ilustrativ. Në vitin 2009, Dumani ka çuar për arrest një kolegun e tij prokuror. Për shkak të një rasti ryshfeti. Po flasim për vitin 2009 kur prokurorët ishin edhe sekserë. Ishte gjë që ndodhte rëndom. Bashkëshortja e tij ishte gjyqtare në Gjykatën e Krimeve të Rënda dhe prokurori kishte marrë një ryshfet nga një grup kriminal për t’i zbutur dënimin një elementi kriminal. Kjo ishte një gjë e madhe për kohën, nëse ti mund të arrish të hetosh kolegët e tu, atëherë toleranca për të tjerët është shumë e vogël dhe mendoj që në këtë formë ai fitoi edhe besimin e amerikanëve. Në 2013-ën Dumani është përgjuar, për këtë çështje. Çështje e cila është e zbardhur. I është vendosur nga persona të afërt me prokurorin, i cili është dënuar si përfundim me një vit burg. I kishin vendosur GPS në makinë për të parë lëvizjet e tij. Kjo mund të ishte edhe për shkak të një atentati të mundshëm. Është kapur në kohë, ka pasur një aksident, GPS ka rënë nga makina. Dumani e ka pikasur dhe e ka çuar çështjen, dhe në fund ka dalë se ishin njerëz të afërt të prokurorit që në formë hakmarrje po e përgjonin. Kjo është një provë e madhe!”, theksoi Mejdini./ CNA





Lajmet e fundit nga