web counter
LEXO PA REKLAMA!

SHKARKO APP

App Store
Google Play

E fundit!

x

Fuqia punëtore, problem për turizmin/ Alberta Zani: Na duhen profesionistë

11 Prill 2024, 19:52, Aktualitet CNA
Fuqia punëtore, problem për turizmin/ Alberta Zani: Na duhen
Alberta Zani

Alberta Zani, gazetarja dhe operatorja turistike ka treguar problematikat dhe sfidat me të cilët po përballen sipërmarrësit këtë vit, teksa po përgatiten për sezonin veror.

Ashtu si vitin e kaluar, Zani tha se një nga problematikat kryesor është gjetja e një krahu profesional pune.

Ajo deklaroi në një dalje televizive se sipërmarrësit duan të gjejnë punonjës profesionalë, pasi sfida e tyre kryesore është që turistët të mbeten të kënaqur.

Operatorja turistike theksoi se turisti nuk duhet joshur vetëm me çmime të lira, por edhe me shërbim kualitativ dhe cilësi.

“Një nga problematikat kryesore për këtë vit, për këtë sezon turistik është krahu i punës, por jo thjesht krahu i punës si fuqi punëtore që duhen njerëz të fuqishëm, por krahu profesional i punës. Viti që kaloi ishte një sfidë e madhe për turizmin në Shqipëri. Sigurisht, prisnim që të vinin shumë turistë dhe erdhën shumë turistë.

Ajo çfarë na del ne përpara si sipërmarrës në biznesin e turizmit është për të punësuar njerëz profesionalë, çka do të thotë që ne nuk presim që të vijë ai turisti…, se sigurisht Shqipëria do të jetë akoma e lirë, edhe për shumë vite të tjera ne do të jemi lirë dhe do ta joshim turistin e huaj që ta zgjedhë Shqipërinë për shkak se është e lirë, në kuptimin që çmimi gjithmonë josh, por sfida jonë nuk është vetëm ta joshim turistin sepse jemi lirë, por sepse kemi shumë për të ofruar dhe ato që na i ka falur natyra dhe ne i kemi marrë për të mirëqena, duhet t’i përkthejmë në shërbim dhe cilësi të mirë shërbimi. Duhet të kemi njerëz të kualifikuar në punë. Ne detyrohemi të dyfishojmë në mënyrë jo vetëm që të ofrojmë shërbim më të mirë, por edhe të jemi më të mbrojtur sepse në gusht lodhen të gjithë dhe në 10 gusht të lënë punën dhe ti çfarë do t’i thuash turistit që nuk kam staf. Ne duhet të ofrojmë një shërbim kualitativ”, nënvizoi Alberta Zani./ CNA





Lajmet e fundit nga