web counter
LEXO PA REKLAMA!

SHKARKO APP

App Store
Google Play

Veliaj konfirmon CNA/ Inceneratori duhet të ishte dorëzuar

11 Prill 2024, 22:15, Aktualitet CNA
Veliaj konfirmon CNA/ Inceneratori duhet të ishte dorëzuar
Fotomontazh - Inceneratori i Tiranës dhe Erion Veliaj

Ndërtimi i landfillit dhe inceneratorit të Tiranës është një nga skandalet më të mëdha të denoncuara nga opozita dhe mediat në Shqipëri.

Inceneratori i Tiranës vijon të paguhet me paratë e taksapaguesve shqiptarë, ndonëse investimi në Sharrë nuk ka përfunduar dhe nuk prodhohet ende energji.

Në maj të 2023-shit, CNA nxori aneks-kontratën koncesionare të firmosur nga qeveria me kompaninë e inceneratorit të Tiranës, nga e cila rezulton se sipas afateve të përcaktuara, investimi për ndërtimin e inceneratorit dhe rehabilitimin e venddepozitave ekzistuese në Tiranë duhet të kishte përfunduar.

Teksa CNA deklaroi se investimi në Sharrë duhet të kishte përfunduar tërësisht në 2023-shin për të nisur me prodhimin e energjisë, mediat e inceneratorëve dhe të Erion Veliajt thanë së afati përfundonte në vitin 2025.

Por mbrëmjen e sotme, kryebashkiaku i Tiranës Erion Veliaj ka konfirmuar CNA-në. Ai deklaroi gjatë një interviste televizive se inceneratori duhet të dorëzohej në vitin 2023.

“Ne jemi klientë të landfillit, drejtohet nga një kompani publike. Çfarë mendoj unë si Këshill se nuk kam vendimmarrje. Si Këshill është të vijojë plani ta bëjnë inceneratorin, e kishin për ta dorëzuar në 2023, ndodhi kjo anomali, të aplikojnë prapë. Madje i inkurajova, aplikoni të hapen qelizat e reja për të kompresuar plehrat”, tha Veliaj.

Pra, kryebashkiaku, përgjegjësi për monitorimin që sakatoi njësinë e zbatimit të projektit, pasi nuk e monitoroi investimin, tashmë e pranon që duhet të ishte dorëzuar.

Kështu, ai konfirmon atë që CNA e ka thënë prej kohësh dhe përgënjeshtron mediat e tij, që janë paguar nga incerneratorët./ CNA





Lajmet e fundit nga