web counter
LEXO PA REKLAMA!

SHKARKO APP

App Store
Google Play

E fundit!

x

Izraeli rrëzoi dronët dhe raketat nga Irani/ Berisha: Një fitore e rëndësishme

14 Prill 2024, 11:31, Aktualitet CNA
Izraeli rrëzoi dronët dhe raketat nga Irani/ Berisha: Një fitore
Ish-kryeministri Sali Berisha

Ish-kryeministri Sali Berisha ka reaguar dhe ka dënuar ashpër sulmin e Iranit me dronë dhe raketa kundër Izraelit.

Përmes një postimi në rrjetet sociale, Berisha shkruan se ishte një fitore e rëndësishme për Izraelin, i cili arriti të rrëzonte qindra dronë dhe raketa.

Berisha e cilësoi Iranin si një fuqi pushtuese, luftënxitëse dhe destabilizuese në Lindjen e Mesme.

“Një fitore shumë e rëndësishme!

Të dashur miq, mbrëmë Irani i Ajetullahëve ndërmori një agresion të hapur ndaj Izraelit. Nga territori i Iranit u nisën drejt Izraelit me qindra e qindra drone dhe raketa në njërën nga ofensivat ajrore më të mëdha të kohës.

Por Kubeja e hekurt, mbrojtja kundërajrore e Izraelit e ndihmuar dhe nga SHBA i asgjesoi 99% të tyre duke regjistruar kështu fitoren më spektakolare ndaj një sulmi ajror dhe disfatën më të madhe të një sulmi të tillë në tërë historinë.

Duke uruar Izraelin për fitoren e shkëlqyer të natës që kaloi, dënoj me forcën më të madhe këtë agresion të Iranit, fuqi kryesore pushtuese, luftënxitëse dhe destabilizuese në Lindjen e Mesme”, shkruan Berisha./ CNA





Lajmet e fundit nga